ប្រសាសន៏សំខាន់ៗរបស់ ឯកឧត្តមសេនីយ៍ឯក  ហ៊ុន ម៉ាណែត តំណាងដ៏ខ្ពង់ខ្ពស់ របស់សម្តេចអគ្គមហាសេនាបតី តេជោ ហ៊ុន សែន និងសម្តេចកិត្តិព្រឹទ្ធបណ្ឌិត ក្នុងពិធីសម្ពោធដាក់ឲ្យប្រេីប្រាស់ជាផ្លូវការនូវសមិទ្ធផលនានា ក្នុងវត្តរុក្ខាមនោរម្យ

ចំណុចប្រសាសន៏សំខាន់ៗរបស់ ឯកឧត្តមសេនីយ៍ឯក  ហ៊ុន ម៉ាណែត តំណាងដ៏ខ្ពង់ខ្ពស់ របស់សម្តេចអគ្គមហាសេនាបតី តេជោ ហ៊ុន សែន និងសម្តេចកិត្តិព្រឹទ្ធបណ្ឌិត ក្នុងពិធីសម្ពោធដាក់ឲ្យប្រេីប្រាស់ជាផ្លូវការនូវសមិទ្ធផលនានា ក្នុងវត្តរុក្ខាមនោរម្យ ស្ថិតក្នុងឃុំបរសេដ្ឋ ស្រុកបរសេដ្ឋ ខេត្តកំពង់ស្ពឺ ថ្ងៃទី២៤ ខែសីហា ឆ្នាំ២០១៩

១-សូមប្រជាពលរដ្ឋជឿទុកចិត្តចំពោះការដឹកនាំរបស់ប្រមុខរាជរដ្ឋាភិបាលសម្តេចតេជោហ៊ុនសែនដរាបណាលោកនឹងដឹកនាំប្រទេសគឺនៅតែការពារផលប្រយោជន៍របស់ប្រជាពលរដ្ឋ បន្តជួយប្រជាពលរដ្ឋគ្រប់ទីកន្លែង និងផ្ដល់ឱកាសសិក្សារៀនសូត្រដល់កូនចៅប្រជាពលរដ្ឋ។

២-ប្រជាពលរដ្ឋបោះឆ្នោតគាំទ្រសម្តេចតេជោ ហ៊ុន សែន គឺចង់បានសេចក្តីព្រោះប្រជាពលរដ្ឋចង់បានមេដឹកនាំដែលដឹកនាំសេមានចក្តីសុខ ដែលខិតខំចរចាជាមួយបរទេសសុំឲ្យគេមកវិនិយោគ បង្កើតការងារឱ្យកូនចៅប្រជាពលរដ្ឋ ខុសពីអ្នកនយោបាយមួយចំនួនទៅសុំឲ្យបរទេសផ្តាច់ជំនួយធ្វើបាបខ្មែរឲ្យខ្មែរវេទនា។ដូច្នេះយើងរួមគ្នាថែរក្សាសុខសន្តិភាព និងកសាងសមិទ្ធផលបន្ថែមទៀត។

៣-ប្រជាពលរដ្ឋមានសេចក្តីសុខ២ គឺសេចក្តីសុខផ្លូវកាយ និងសេចក្តីសុខផ្លូវចិត្ត សេចក្តីសុខផ្លូវការគឺយើងរស់នៅដោយមិនមានការកាប់សម្លាប់គ្នា សេចក្តីសុខផ្លូវចិត្តគឺយើងមានសិទ្ធិសេរីភាព ប្រជាពលរដ្ឋមានជីវភាពកាន់តែមានបាន។ ដូច្នេះយើងត្រូវរួមគ្នាថែរក្សាសុខសន្តិភាព រួមគ្នាអភិវឌ្ឍបន្ថែមទៀតដើម្បីអនាគតយើង និងកូនចៅយើង។

៤-សូមថ្លែងអំណរគុណដល់បងប្អូនកងទ័ពរបស់យើងដែលបានការពារបូរណភាពទឹកដី ហើយយើងខិតខំដោះស្រាយបញ្ហាដើម្បីបម្រើជាតិ ទុកឱកាសឱ្យប្រជាពលរដ្ឋរស់នៅបានសប្បាយរីករាយ ៕