ព្រះវិហារ៖ ដើមឈើរាប់រយដើម មានគគី ផ្ចឹក ឈើទាល ដែលមានអាយុកាលរាប់រយឆ្នាំមុខកាត់១២០ទៅ១៣០កំពស់៨ម៉ែត្រទៅ១៥ម៉ែត្រឥឡូវត្រូវបានគេកាប់យកមកធ្វើជាសសរព្រះវិហារដើម្បីបំរើដល់វិស័យព្រះពុទ្ធសាសនា ក្នុងវត្តប្រាសាទគោកបេង ស្ថិតនៅភូមិគោកបេង សង្កាត់កំពង់ប្រណាកក្រុងព្រះវិហារ ខេត្តព្រះវិហារ។
តែអ្វីគួរឱ្យកត់សម្គាល់នោះគឺប្រជាពលរដ្ឋពុទ្ធបរិស័ទក៏ដូចជាអង្គការសង្គមស៊ីវិល បានលើកជាសំណួរមកអង្គភាពសារព័ត៌មានយើងថាចុះព្រះវិហារវត្តគោគបេងបានកសាងឡើងធ្វើរឲ្យមជ្ឈដ្ឋាននាៗព្រមទាំងមន្ត្រីអង្គការក្រៅរដ្ឋាភិបាលនិងមជ្ឈដ្ឋានមួយចំនួនទៀតដែលបានរិះគន់ទៅលើការកសាងព្រះវិហារដែលប្រើប្រាស់ដោយសសរឈើធំៗដែលមានអាយុកាលរាប់រយឆ្នាំមកម៉្លេះ ។
យើងងាកទៅមើលបញ្ហាការគ្រប់គ្រងធនធានធម្មជាតិ ព្រៃឈើដែលរាជរដ្ឋាភិបាលតែងតែបានដាក់បទបញ្ជាឲ្យមន្ត្រីនៅក្រោមឱវាទជួយរក្សាការពារធនធានធម្មជាតិតាំងពីដូនតាមកទុកជាសម្បត្តិរបស់រដ្ឋ និងជាព្រៃអភិរក្ស ព្រៃសហគមន៍ដោយរាជរដ្ឋាភិបាលបានផ្ដល់សិទ្ធិបង្កើតជាសហគមន៍ឲ្យជួយថែរក្សា។
ផ្ទុយទៅវិញការកសាងព្រះវិហារវត្តប្រាសាទគោកបេងនេះ កំពុងតែប្រើប្រាស់សសរដើមឈើធំៗចំនួន៥០០ សសរ និងដើមឈឺធំៗមួយចំនួនទៀតដែលត្រូវយកមកធ្វើជាគ្រឿង សម្រាប់កសាងព្រះវិហារមួយនេះសរុបមកតើការកសាងព្រះវិហារមួយនេះតែត្រូវចំណាយដើមឈើធំៗអស់ចំនួនប៉ុន្មានទើបគ្រប់គ្រាន់?តើនេះគឺជាការរួមចំណែកការពារធនធានធម្មជាតិដែរឬទេ ហាក់បីដូចជាការដឹកនាំកសាងគិតសមិទ្ទិផលអស្ចាណាស់ហើយ ក៏ប៉ុន្តែមានភាពប៉ះពាល់ដល់ធនធានធម្មជាតិ ហើយវាហាក់បីដឹកនាំពុទ្ធបរិសទ្ធច្រាសះថ្លាចូលរួមបំផ្លាញព្រៃឈើនិងសម្បាត្តិធនធានធម្មជាតិផងដែរ?មជ្ឈដ្ឋានមួយចំនួនក៏បានដាក់សំណួរមកអង្គភាពសារព័ត៌មានយើងថា ការកសាងព្រះវិហារមួយនេះហេតុអ្វីក៏ត្រូវការឈើធំៗយកមកកសាងបែបនេះទៅវិញចុះហេតុអ្វីមិនកសាងជាថ្មឬក៏ជាបេតុងដែលកសាងដូចព្រះវិហារដទៃទៀតដែលនៅក្នុងព្រះរាជាណាចក្រកម្ពុជាយើងទាំងមូលដែលការកសាងឡើងដោយប្រើប្រាស់ស៊ីម៉ង់គ្រោះនិងខ្សាច់ដែកចម្លែកតែព្រះវិហារ វត្តប្រាសាទគោកបេងមួយនេះបានធ្វើឲ្យមជ្ឈដ្ឋាននាៗកំពង់តែដាក់ការសង្ស័យទៅលើការរួមចំណែកកាប់បំផ្លាញធនធានធម្មជាតិព្រៃឈើ ដែលមានអាយុកាលរាប់រយឆ្នាំមកម្ល៉េះ ហេតុនេះហើយទើបប្រជាពលរដ្ឋនិងមន្ត្រីក្រៅរដ្ឋាភិបាលក៏ស្នើសុំទៅដល់លោក ម៉ៅ សុផាន់ ប្រធានក្រុមការងារថ្នាក់កណ្ដាលចុះមូលដ្ឋានព្រះវិហារ លោក គីម រិទ្ធី អភិបាលនៃគណៈអភិបាលខេត្តព្រះវិហារ មេត្តាជួយពិចារណាក្នុងការកសាងព្រះវិហារដោយប្រើប្រាស់ឈើព្រៃដែលមានអាយុកាលរាប់រយឆ្នាំមកម្ល៉េះនិងស្នើសុំទៅដល់រាជរដ្ឋាភិបាលជួយពិចារណាក្នុងការកាប់បំផ្លាញព្រៃអភិរក្សក៏ដូចព្រៃសហគមន៍ក្នុងដែនជំរកសត្វព្រៃព្រះរកាដែលគ្រប់គ្រងដោយព្រះរាជក្រិត។
សូមបញ្ជាក់ថា ដើមឈើទាំងអស់នេះត្រូវបានកាប់និងដឹកជញ្ជូនមកដំកល់ទុកក្នុងវត្តប្រាសាទគោកបេង តាំងពីឆ្នាំ២០១៥/២០១៦មកម្លេះ៕