សេចក្ដីរាយការណ៍ពីមន្ត្រីមន្ទីរកសិកម្មខេត្តត្បូងឃ្មុំ បានឲ្យដឹងថា ដោយសារមានការឃុបឃិតបើកដៃពីសំណាក់លោក គឹម ឈុនលី មេរដ្ឋបាលព្រៃឈើខេត្តត្បូងឃ្មុំ ទើបឈ្មួញ ស្រ៊ុន ផឹងឡាយ និងឈ្មួញដទៃទៀតអាចដឹកជញ្ជូនឈើចេញទៅស្រុកយួនយ៉ាងរលួន ។ ក្នុងនោះឈ្មួញ ស្រ៊ុន ផឹងឡាយ ជាមន្ត្រីអាវុធហត្ថខេត្តត្បូងឃ្មុំ និងជាជំនួយការរបស់លោក វ៉ា សារិទ្ធ មេបញ្ជាការកងរាជអាវុធហត្ថខេត្តត្បូងឃ្មុំ ត្រូវបានគេដឹងថាកំពុងបង្កើនសកម្មភាពដឹកជញ្ជូនឈើចេញទៅស្រុកយួនដោយគ្មានញញើតអ្វីទាំងអស់។ ចំណែកលោក ជាម ច័ន្ទសោភ័ណ អភិបាលខេត្តត្បូងឃ្មុំ និងលោកឧត្តមសេនីយ៍ទោ បែន រ័ត្ន ស្នងការនគរបាលខេត្តត្បូងឃ្មុំ មិនហ៊ានប៉ះពាល់ឈ្មួញ ស្រ៊ុន ផឹងឡាយ នោះទេព្រោះមានការយោគយល់ថាជាគ្នាឯង។ លើសនេះទៅទៀតលោក គឹម ឈុនលី មេរដ្ឋបាលព្រៃឈើខេត្តត្បូងឃ្មុំ ដែលអាងមានខ្នងបង្អែករឹងមាំនៅក្នុងក្រសួងកសិកម្ម គឺជាអ្នកឃុបឃិតឲ្យឈ្មួញ ស្រ៊ុន ផឹងឡាយ ដឹកជញ្ជូនឈើទៅដល់គោលដៅយ៉ាងរលូន។
ប្រភពពីសមត្ថកិច្ចពាក់ព័ន្ធក្នុងខេត្តត្បូងឃ្មុំ បានឲ្យដឹងថា មន្ត្រីអាវុធហត្ថខេត្តត្បូងឃ្មុំ ឈ្មោះ ស្រ៊ុន ផឹងឡាយ នៅតែបន្តសកម្មភាពដឹកជញ្ជូនឈើចេញទៅស្រុកយួនតាមច្រកព្រំដែនក្នុងស្រុកមេមត់ ខេត្តត្បូងឃ្មុំ យ៉ាងរលូនដោយគ្មានញញើតអ្វីទាំងអស់។ ប្រភពបានឲ្យដឹងទៀតថា ការដែលលោក ស្រ៊ុន ផឹងឡាយ មន្ត្រីអាវុធហត្ថខេត្តត្បូងឃ្មុំ ក្លាយជាឈ្មួញដឹកជញ្ជូនឈើចេញទៅស្រុកយួនយ៉ាងល្បីល្បាញ គឺមានការឃុបឃិតបើកដៃពីសំណាក់លោក ស្រ៊ុន ផឹងឡាយ នាយខណ្ឌរដ្ឋបាលព្រៃឈើខេត្តត្បូងឃ្មុំ ផងដែរ។ ជាងនេះទៅទៀតប្រភពខ្លះបានឲ្យដឹងថា លោក ស្រ៊ុន ផឹងឡាយ ជាជំនួយការរបស់លោកឧត្តមសេនីយ៍ត្រី វ៉ា សារិទ្ធ មេបញ្ជាការកងរាជអវុធហត្ថខេត្តត្បូងឃ្មុំ ទើបគ្មានមន្ត្រីជំនាញឬសមត្ថកិច្ចពាក់ព័ន្ធណាហ៊ានប៉ះពាល់ឈ្មួញរូបនេះឡើយ។
ប្រភពពីមន្ត្រីអាវុធហត្ថនៅក្នុងទីបញ្ជាការអាវុធហត្ថខេត្តត្បូងឃ្មុំ បានឲ្យដឹងថាឈ្មួញ ស្រ៊ុន ផឹងឡាយ អាងមានខ្នងបង្អែករឹងមាំទើបហ៊ានធ្វើសកម្មភាពដឹកជញ្ជូនឈើចេញទៅស្រុកយួនតាមច្រកព្រំដែនក្នុងស្រុកមេមត់ ខេត្តត្បូងឃ្មុំ និងគ្មានញញើតអ្វីទាំងអស់។ ជាក់ស្ដែងលោក ជាម ច័ន្ទសោភ័ណ អភិបាលខេត្តត្បូងឃ្មុំ លោកឧត្តមសេនីយ៍ទោ បែន រ័ត្ន ស្នងការនគរបាលខេត្តត្បូងឃ្មុំ និងលោក វ៉ា សារិទ្ធ មេបញ្ជាការកងរាជអាវុធហត្ថខេត្តត្បូងឃ្មុំ បានរក្សាភាពស្ងៀមស្ងាត់ទុកឲ្យឈ្មួញ ស្រ៊ុន ផឹងឡាយ បន្តសកម្មភាពដឹកជញ្ជូនឈើចេញទៅស្រុកយួនយ៉ាងពេញបន្ទុកតែម្តង។ ទន្ទឹមនឹងនេះប្រភពពីមន្ត្រីក្នុងមន្ទីរកសិកម្មខេត្តត្បូងឃ្មុំ បានបង្ហើបឲ្យដឹងថា លោក គឹម ឈុនលី មេរដ្ឋបាលព្រៃឈើខេត្តត្បូងឃ្មុំ បានចាត់ទុកឈ្មួញ ស្រ៊ុន ផឹងឡាយ ជាប្រភពចំណូលរបស់ខ្លួន ហើយមិនប៉ះពាល់ឈ្មួញម្នាក់នេះឡើយ។
031 33 03 888