ប្រភពមនុស្សដែលស្និទ្ធនឹង លោក ខឹម ចិត្រា បានបង្ហើបឲ្យដឹងថា ប្រហែលលោក ខឹម ចិត្រា ចំណាយដើមទុនយ៉ាង ច្រើន ដើម្បីទទួលបានតំណែង ជាមេប៉ុស្ដិ៍នគរបាលអន្តោប្រវេសន៍ ច្រកទ្វារអន្តរជាតិប៉ោយប៉ែត ទើបខំប្រឹងប្រព្រឹត្តអំ ពើពុករលួយដើម្បី ស្រង់ដើមមកវិញ។ ជាក់ស្ដែងទទួលបានតំណែង ជាមេនគរបាលអន្តោប្រវេសន៍ ច្រកទ្វារអន្ត រជាតិប៉ោយប៉ែត មិនទាន់បានមួយខែផងស្រាប់តែលោក ខឹម ចិត្រា ល្បីល្បាញខាងប្រព្រឹត្តអំពើពុ ករលួយ ហើយអគ្គនា យកដ្ឋានអន្តោប្រវេសន៍ ក៏បានកោះហៅមន្ត្រីទទួលខុសត្រូវនៅច្រកប៉ោយប៉ែត មកសាកសួរផងដែរ។ ដូច្នេះហើយទើបមានសេចក្ដីអំពាវនាវឲ្យនាយឧត្តមសេនីយ៍ គៀត ច័ន្ទថារិទ្ធ អគ្គនាយកនៃអគ្គនាយកដ្ឋានអន្តោប្រវេសន៍ ចាត់វិធានការទប់ស្កាត់អំពើពុករលួយរបស់លោក ខឹម ចិត្រា ប្រកបដោយប្រសិទ្ធភាពដើម្បីកុំឲ្យប៉ះពាល់ដល់កេរ្តិ៍ឈ្មោះស្ថាប័ននគរបាលជាតិទាំងមូល។
មន្ត្រីនៅច្រកទ្វារអន្តរជាតិប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានឲ្យដឹងថា លោកវរសេនីយ៍ទោ ខឹម ចិត្រា មកកាន់តំណែងជានាយប៉ុស្ដិ៍នគរបាលអន្តោប្រវេសន៍ច្រកប៉ោយប៉ែត មិនបានប៉ុន្មានថ្ងៃផង ក៏ចាប់ផ្ដើមប្រើតួនាទីនិងអំណាចប្រព្រឹត្តអំពើពុករលួយយ៉ាងពេញបន្ទុកដោយគ្មានញញើតអ្វីទាំងអស់។ ដូច្នេះហើយទើបមានសេចក្ដីអំពាវនាវឲ្យនាយឧត្តមសេនីយ៍ គៀត ច័ន្ទថារិទ្ធ អគ្គនាយកនៃអគ្គនាយកអន្តោប្រវេសន៍ ក្រសួងមហាផ្ទៃ ចាត់វិធានការទប់ស្កាត់អំពើពុករលួយរបស់លោក ខឹម ចិត្រា ជាបន្ទាន់។
បញ្ហាខាងលើនេះអគ្គនាយកដ្ឋានអន្តោប្រវេសន៍នៃក្រសួងមហាផ្ទៃ បានកោះហៅមន្ត្រីទទួលខុសត្រូវនៅច្រកទ្វារអន្តរជាតិប៉ោយប៉ែត មកសាកសួរក្រោយពេលមានព័ត៌មានអំពីករណីគាបយកលុយក្រៅផ្លូវការជាថ្នូរនឹងការបំពេញឯកសារលើលិខិតឆ្លងដែននិងប័ណ្ណឆ្លងដែនចេញចូលប្រទេសសៀម។ តាមការបញ្ជាក់របស់អគ្គនាយកដ្ឋានអន្តោប្រវេសន៍ កាលពីថ្ងៃទី១៤ ខែកុម្ភៈ ឆ្នាំ២០១៩ បានឲ្យដឹងថា អគ្គនាយកដ្ឋានអន្តោប្រវេសន៍កំពុងចាត់វិធានការស្រាវជ្រាវចំពោះករណីនេះយ៉ាងយកចិត្តទុកដាក់។ មានការបញ្ជាក់ច្បាស់ថា អគ្គនាយកដ្ឋានអន្តោប្រវេសន៍ នឹងជម្រាបជូនសាធារណៈជនឲ្យបានច្បាស់លាស់ពាក់ព័ន្ធករណីខាងលើនេះនាពេលឆាប់ៗខាងមុខ។
សូមបញ្ជាក់ថា កាលពីថ្ងៃទី១៧ ខែមករា ឆ្នាំ២០១៩ លោក ខឹម ចិត្រា ត្រូវបានតែងតាំងជានាយប៉ុស្ដិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត ជំនួសលោកឧត្តមសេនីយ៍ទោ ស៊ឹម សំអាត ដែលត្រូវបានផ្លាស់ប្ដូរចេញ។ គ្រាន់តែចូលកាន់តំណែងមិនទាន់រយៈពេលមួយខែផង ស្រាប់តែលោក ខឹម ចិត្រា និងបក្ខពួកឃុបឃិតប្រព្រឹត្តអំពើពុករលួយយ៉ាងពេញបន្ទុកដោយគ្មានញញើតអ្វីទាំងអស់ ព្រោះអាងមានខ្នងបង្អែករឹងមាំនៅក្នុងអគ្គនាយកដ្ឋានអន្តោប្រវេសន៍ ក្រសួងមហាផ្ទៃ។