មណ្ឌលគិរី ៖ ប្រភព បានទម្លាយឱ្យដឹងថានៅថ្ងៃទី១៨ ,ខែមករា ,ឆ្នាំ២០២១, នេះគេបានឃើញ រថយន្តប្រភេទធុនត្រាជាច្រើនគ្រឿងមមាញឹកដឹកជញ្ជូនឈើ អារឡាំង៤ជ្រុង ចេញពី ចំណុច ដេអេ នឹងឃុំពូជ្រៃ ស្រុកពេជ្រាដា យ៉ាងសកម្ម ។
ដោយគ្មានការរំខាន់ពីសំណាក់ មេជំនាញរដ្ឋបាលព្រៃឈើខេត្ត អាជ្ញាធរមាន សមត្ថកិច្ចពាក់ព័ន្ធនោះឡើយឬ ក៏អស់លោកជាអ្នកបើកភ្លើងខៀវទេដឹង បានជាមិនមានវិធានការចុះបង្ក្រាប បទល្មើសព្រៃឈើ ធនធានធម្មជាតិសោះទុកអោយ មេឈ្មួញឈ្មោះណាង ដឹកឈើឆ្លងដែន យកទៅលក់នៅប្រទេសវៀតណាមតាមអំពេីចិត្ត។
ប្រភពបានបញ្ជាក់ថា រថយន្តធុនត្រាដឹកឈើជាច្រើន គ្រឿងទាំងនោះមាន ពាក់ស្លាក លេខដូចៗគ្នា គឺ ២AT.៣៧៥៥ ងាយស្រួលចំណាំលេខរបស់ក្រុមឈ្មួញដឹក បទល្មើសព្រៃឈើ
ហើយឈ្មួញនៅតែ មានលទ្ធភាព ដឹកជញ្ជូនឈើចេញ រាប់សិបម៉ែត្រគូប ក្នុង១យប់ៗ តាមរយៈរថយន្តធុន ត្រា ដែលមានលេខឡានដូចគ្នាចូលទៅលក់ទឹកដី ប្រទេសវៀតណាម។
តាមច្រកដាក់ដាំ ស្រុកអូររាំង ខេត្តមណ្ឌលគិរី ប្រហែលទំនង ជាការត្រូវរ៉ូវគ្នា នឹងសមត្ថកិច្ចជំនាញពាក់ព័ន្ធ ក្នុងមូលដ្ឋាន ហើយមេីលទៅ បានប្រព្រឹត្តទៅយ៉ាងរលូន។
បេីតាមការអះអាង ពីពលរដ្ឋរស់នៅជិតខ្សែបន្ទាត់ព្រំដែនដាក់ដាំ បញ្ជាក់ទៀតថា រថយន្តធុនត្រា ដឹកជញ្ជូនឈើប្រណិតខាងលើចេញដំណើរ តែពេលយប់ ព្រោះអំណោយផលល្អ រថយន្តរបស់ក្រុមឈ្មួញ ទាំងនោះមានយ៉ាងតិចចំនួន៤ទៅ៥គ្រឿង។
ក្រុមឈ្មួញតែងតែ ធ្វើសកម្មភាព ដឹកឆ្លងទៅប្រទេសវៀតណាម ជារៀងរាល់យប់ មេឈ្មួញឈ្មោះ ណាង បានសែនព្រេនត្រូវរ៉ូវ ជាមួយមេប៉ុស្តិ៍ច្រកដាក់ដាំ នឹងសមត្ថកិច្ចជំនាញ ពាក់ព័ន្ធអស់ហើយ បើពុំដូច្នោះទេ កុំសង្ឃឹមថាចេញរួចឱ្យសោះ។
មជ្ឈដ្ឋានទូទៅក៏ដូចជា សកម្មជនព្រៃឈើនឹងអង្គការក្រៅរដ្ឋាភិបាល ប្រជាពលរដ្ឋរស់នៅក្នុងខេត្តមណ្ឌលគិរី សំណូមពរដល់ ឯកឧត្តមនាយឧត្តមសេនីយ៍ សៅ សុខា មេប៉េអឹមកងរាជអាវុធហត្ថលេីផ្ទៃប្រទេស នឹងជាគណះកម្មាធិការថ្នាក់ជាតិ ទប់ស្កាត់ធនធានធម្មជាតិ។
មេត្តាបញ្ជាដល់ មេប៉េអឹមកងរាជអាវុធខេត្តមណ្ឌលគីរី ផងទាន.! អោយមានវិធានការ ចុះត្រួតពិនិត្យ ដល់ក្រុមឈ្មួញឈ្មោះណាង ដែលរកសុី កាប់បំផ្លិតបំផ្លាញព្រៃឈើ យូរថ្ងៃយូរខែមកហើយ ជាសម្បត្តិធម្មជាតិ ដែលធ្វេីអោយប៉ះពាល់ដល់ជំរកសត្វព្រៃ នឹងមនុស្សរស់នៅសព្វថ្ងៃ មិនអាចខ្វះបាន ។
ប្រជាពលរដ្ឋរស់នៅ ក្នុងខេត្តមណ្ឌលគីរី បានរិះគន់ចំៗលើកឡើងថា បច្ចុប្បន្ន បញ្ហាបទល្មើសព្រៃឈី នៅតែកើតឡើងជាហូរហែ ដោយក្រុមឈ្មួញទុច្ចរិត បានធ្វើការឃុបឃិត ជាមួយសមត្ថកិច្ចជំនាញ ពាក់ព័ន្ធដឹកឈើប្រណិត ចេញយកទៅលក់នៅប្រទេសវៀតណាម បានយ៉ាងរលូន។
ជាពិសេសមេឈ្មួញ ឈើឈ្មោះលោកណាង ដឹកឈើឆ្លងដែន តាមច្រករបៀងផ្សេងៗ នឹងច្រកដាក់ដាំបានយ៉ាងស្រួល បើទោះជារាល់ការប្រជុំគណៈបញ្ជាការឯកភាពខេត្តម្តងៗ បានដាក់ចេញនូវវិធានការបង្ក្រាបទប់ស្កាត់ យ៉ាងណាក៏ដោយ សកម្មភាពបទល្មើសព្រៃឈើ នៅតែមានយ៉ាងសកម្ម៕
031 33 03 888