តាមប្រភពពីមន្ត្រីគយជាច្រើននាក់ ក៏ដូចជាមន្ត្រីនៃស្ថាប័នជាច្រើនទៀត ដែលឈរជើងនៅច្រកព្រំដែនបឹងត្រកួន ស្ថិតនៅក្នុងឃុំគោករមៀត ស្រុកថ្មពួក ខេត្តបន្ទាយមានជ័យ បានប្រាប់ ឲ្យដឹងថា លោក ញឹក ប៊ុនលេខប្រធានការិយាល័យគយ និងរដ្ឋាករបឹងត្រកួននេះ គឺលោកមេគយកំពុងតែប្រព្រឹត្តអំពើពុករលួយតាមរយៈ ការឃុបឃិតនិងបើកដៃឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ យ៉ាងពេញបន្ទុក ជាពិសេសទំនិញម៉ូតូអត់ពន្ធ និងគ្រឿងបន្លាស់ រួមនឹងបរិក្ខាផ្សេងៗផងដែរ។
ប្រភពដដែលបានឲ្យបានដឹងបន្ថែមទៀតថា មួយរយៈចុងក្រោយនេះ លោក ញឹក ប៊ុនលេខប្រធានការិយាល័យគយ និងរដ្ឋាករបឹងត្រកួន បានឃុបឃិតឲ្យឈ្មួញ នាំចូលម៉ូតូទំនើបៗគេចពន្ធកាន់តែច្រើនឡើងៗ ដោយមិនខ្វល់ពីការរិះគន់អ្វីទាំងអស់។ អ្នកស៊ីឈ្នួលបើកបរម៉ូតូពីទឹកដីថៃ ចូលទឹកដីខ្មែរ ទទួលបានលុយ៥០០បាត(លុយថៃ) សម្រាប់ម៉ូតូមួយគ្រឿង ដោយពួកគេបើកចូលតាមច្រកបឹងត្រកួន ឆ្ពោះទៅកាន់ក្នុងស្រុកថ្មពួក និងចូលទៅក្រុងសិរីសោភ័ណ ខេត្តបន្ទាយមានជ័យ ដើម្បីលក់ចែកចាយតាមហាងលក់ម៉ូតូ។
សមត្ថកិច្ចនៃស្ថាប័នផ្សេងៗ ក៏ដូចប្រជាពលរដ្ឋដែរ បានសំណូមពរដល់លោក គុណ ញឹម អគ្គនាយក នៃអគ្គនាយកដ្ឋានគយ និងរដ្ឋាករកម្ពុជា សូមជួយចាត់វិធានការទប់ស្កាត់អំពើពុករលួយរបស់លោក ញឹក ប៊ុនលេខ ប្រធានការិយាល័យគយ និងរដ្ឋាករបឹងត្រកួន និងបក្ខពួកជាបន្ទាន់ផង បើទុកបណ្តោយបែបនេះ ចំណូលពន្ធគយចូលរដ្ឋខាតបង់ក្នុងមួយខែៗរាប់សឹបម៉ឺនដុល្លារ ហើយថវិកានោះ ត្រូវធ្លាក់ចូលប៉ៅលោក ញឹក ប៊ុនលេខ និងបក្ខពួក។
031 33 03 888