ប្រភពពីសមត្ថកិច្ចពាក់ព័ន្ធ និងមន្ត្រីគយក្នុងខេត្តប៉ៃលិន មួយចំនួនបានឲ្យដឹងថា បច្ចុប្បន្នទំនិញ ដែលឈ្មួញធំៗនាំ ចូល តាមច្រកទ្វារអន្តរជាតិព្រំ ខេត្តប៉ៃលិន គឺបង់ពន្ធត្រឹម២៥ ទៅ៣០ភាគរយប៉ុណ្ណោះ ក្រៅពីនេះគឺឈ្មួញប ង់លុយលើតុ ក្រោមតុឲ្យលោក ទី ប៊ុនឡង់ យ៉ាងស្ងៀមស្ងាត់។ ហេតុនេះហើយទើបមានកា រអំពាវនាវឲ្យលោក អូន ព័ន្ធមុ នីរ័ត្ន ដែលជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ពិនិត្យឡើងវិញ ជាបន្ទាន់ចំពោះអំពើ ពុករលួយរបស់ លោក ទី ប៊ុន ឡង់ ប្រធានការិយាល័យគយ ច្រកទ្វារអន្តរជាតិព្រំ ក៏ដូចជាអំពើពុករលួយរប ស់លោក សំ សុវណ្ណារិទ្ធ ប្រធានសាខាគយខេត្តប៉ៃលិន ផងដែរ។ ជាងនេះទៅទៀតមានការអំពាវនាវឲ្យលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ បើកការស៊ើបអង្កេតទៅលើរឿងអាស្រូវពុករលួយរបស់លោក ទី ប៊ុនឡង់ ឲ្យបានស៊ីជម្រៅហើយចាត់វិធានការទប់ស្កាត់អំពើពុករលួយរបស់មន្ត្រីគយរូបនេះប្រកបដោយប្រសិទ្ធភាព។ ក្រុមមន្ត្រីគយក្នុងខេត្តប៉ៃលិន បានលើកឡើងទៀតថា អំពើពុករលួយតាមគ្រប់រូបភាពរបស់លោក ទី ប៊ុនឡង់ កំពុងធ្វើឲ្យប៉ះពាល់ដល់គោលនយោបាយកែទម្រង់ស៊ីជម្រៅនៅក្នុងស្ថាប័នគយផងដែរ។
មន្ត្រីនិងភ្នាក់ងារគយក្នុងខេត្តប៉ៃលិន មួយចំនួនបានអំពាវនាវឲ្យលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ចាត់វិធានការទប់ស្កាត់អំពើពុករលួយច្រើនបែបច្រើនយ៉ាងរបស់លោក ទី ប៊ុនឡង់ ប្រធានការិយាល័យគយច្រកទ្វារអន្តរជាតិព្រំ ខេត្តប៉ៃលិន ជាបន្ទាន់។ ដោយហេតុថារយៈពេល៣ខែចុងក្រោយនេះលោក ទី ប៊ុនឡង់ ប្រធានការិយាល័យគយច្រកទ្វារអន្តរជាតិព្រំ ប្រព្រឹត្តអំពើពុករលួយកាន់តែខ្លាំងឡើងៗ ហើយមិនទាន់ឃើញលោក គុណ ញឹម អគ្គនាយកគយចាត់វិធានការនៅឡើយទេ។ ការដែលលោក ទី ប៊ុនឡង់ ហ៊ានធ្វើអ្វីៗតាមអំពើចិត្តរបស់ខ្លួនគឺមានការឃុបឃិតបើកដៃពី លោក សំ សុវណ្ណារិទ្ធ ប្រធានសាខាគយខេត្តប៉ៃលិន ផងដែរដោយមានការបែងចែកផលប្រយោជន៍យ៉ាងសុខស្រួលតែម្តង។
ប្រភពពីមន្ត្រីគយក្នុងខេត្តប៉ៃលិន ដែលមានទំនាក់ទំនងជិតស្និទ្ធជាមួយលោក ទី ប៊ុនឡង់ បានឲ្យដឹងថា ចាប់តាំងពីទទួលបានតំណែងជាមេគយច្រកទ្វារអន្តរជាតិព្រំ ខេត្តប៉ៃលិន រួចមកគឺលោក ទី ប៊ុនឡង់ ឃុបឃិតឲ្យឈ្មួញធំៗនាំចូលទំនិញគេចពន្ធ ទំនិញខុសច្បាប់ និងទំនិញបង់ពន្ធមិនគ្រប់កាន់តែច្រើនឡើងៗធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ។ ផ្ទុយទៅវិញលោក ទី ប៊ុនឡង់ និងបក្ខពួកបានធ្វើការគាបយកលុយតាមរបៀបពុករលួយពីពលរដ្ឋនិងអាជីវករដែលនាំចូលទំនិញបន្តិចបន្តួចតាមច្រកទ្វារអន្តរជាតិព្រំ ដោយគ្មានការយោគយល់ឡើយ។ ដូច្នេះហើយទើបពលរដ្ឋនិងអាជីវករតូចតាចប្រមូលផ្ដុំគ្នាតវ៉ាជាបន្តបន្ទាប់ដើម្បីឲ្យអាជ្ញាធរខេត្តប៉ៃលិន និងក្រសួងពាក់ព័ន្ធចាត់វិធានការទប់ស្កាត់អំពើពុករលួយរបស់លោក ទី ប៊ុនឡង់ ប្រធានការិយាល័យគយច្រកទ្វារអន្តរជាតិព្រំ ជាបន្ទាន់។
ប្រជាពលរដ្ឋនិងអាជីវករតូចតាចដែលរងការឈឺចាប់ដោយសារអំពើពុករលួយរបស់លោក ទី ប៊ុនឡង់ បានបើកកកាយរឿងអាស្រូវពុករលួយរបស់លោក ទី ប៊ុនឡង់ ជាសាធារណៈតែម្តង ៕