ប្រភពពីមន្ត្រីក្នុងមន្ទីរ សាធារណការនិងដឹកជញ្ជូនរាជធានីភ្នំពេញបាន ឲ្យដឹងថាផ្លូវជាច្រើនខ្សែ នៅក្នុងរាជធានីភ្នំ ពេ ញ ធ្វើមិនបានប៉ុន្មានផ ងក៏ខូចឡើងវិញ ជួនកាលជួសជុល ខាងមុខខូចខាងក្រោយដោយសារ តែធ្វើមិនត្រឹមត្រូវ តាមបទ ដ្ឋានបច្ចេកទេស។ មានការរិះគន់ចំៗថាលោក សាំ ពិសិដ្ឋ ក្នុងនាមជាប្រធានមន្ទីរ មិនដែល ចុះពិនិត្យគុណភាពផ្លូវ ជាច្រើនខ្សែពេលកំពុងស្ថាបនាឬ កំពុងជួសជុលនោះទេ ហេតុនេះហើយ ទើបក្រុមហ៊ុនម៉ៅការធ្វើឲ្យ រួចតែពីដៃ ខាត បង់ថវិកាជាតិយ៉ាងច្រើន សន្ធឹកសន្ធាប់។ ជាក់ស្ដែងផ្លូវជាតិលេខ៦ និងផ្លូវជាច្រើនខ្សែទៀតកំពុង រងការខូចឡើង វិញជាបណ្ដើរៗហើយ ដោយសារ តែការស្ថាបនានិងជួសជុលមិនត្រឹម ត្រូវតាមបទដ្ឋានបច្ចេកទេស។
កន្លងមក រឿងអាស្រូវពុករលួយនិងទង្វើមិនប្រក្រតីទាំងឡាយរបស់លោក សាំ ពិសិដ្ឋ ត្រូវបានមន្ត្រីរាជការក្នុងមន្ទីរសាធារណការនិងដឹកជញ្ជូនរាជធានីភ្នំពេញ លាតត្រដាងជាសាធារណៈដើម្បីឲ្យលោក ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូនចាត់វិធានការទប់ស្កាត់ប្រកបដោយប្រសិទ្ធភាព។
រឿងអាស្រូវរបស់លោក សាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ ក៏រងប្រតិកម្មពីលោកនាយករដ្ឋមន្ត្រី ហ៊ុន សែន នាពេលកន្លងមកផងដែរក៏ប៉ុន្តែមកដល់ពេលនេះមិនទាន់ឃើញលោក ស៊ុន ចាន់ថុល ដែលជារដ្ឋមន្ត្រីក្រសួងសាធារណការ ចាត់វិធានការទៅលើលោក សាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ នៅឡើយ។
តាមការកត់សម្គាល់របស់ប្រជាពលរដ្ឋមួយចំនួននៅក្នុងរាជធានីភ្នំពេញ បានឲ្យដឹងថា សូម្បីតែនៅកន្លែងធ្វើស្លាកលេខរថយន្តនិងស្លាកលេខម៉ូតូរបស់មន្ទីរសាធារណការរាជធានីភ្នំពេញ ក៏កើតមានអំពើពុករលួយនិងភាពរញ៉េរញ៉ៃយ៉ាងពេញបន្ទុកដែរ។
លើសនេះទៅទៀត សូម្បីតែការប្រឡងយកប័ណ្ណបើកបររថយន្តក៏កើតមានអំពើពុករលួយយ៉ាងរាលដាលព្រោះតែលោក សាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ បណ្ដោយឲ្យមន្ត្រីក្រោមឱវាទធ្វើអ្វីៗស្រេចតែអំពើចិត្ត។
ប្រភពពីមន្ត្រីរាជការមួយចំនួនក្នុងមន្ទីរសាធារណការរាជធានីភ្នំពេញ បានលើកឡើងថា ចាប់តាំងពីលោក សាំ ពិសិដ្ឋ ចូលកាន់តំណែងជាប្រធានមន្ទីររួចមក គឺអំពើពុករលួយ បក្ខពួកនិយម កើតឡើងយ៉ាងពេញបន្ទុកតែម្តងហើយមិនទាន់ឃើញលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ បើកការស៊ើបអង្កេតនៅឡើយទេ។
មជ្ឈដ្ឋានខ្លះបានរិះគន់ថាមន្ត្រីនៅក្នុងមន្ទីរសាធារណការនិងដឹកជញ្ជូនរាជធានីភ្នំពេញ ស្ពឹកស្រពន់យ៉ាងខ្លាំងមិនយកចិត្តទុកដាក់បំពេញការងាររបស់ខ្លួនតាមតួនាទីឲ្យបានត្រឹមត្រូវឡើយ។
ជាក់ស្ដែងនៅផ្លូវលេខ២៧១ ផ្លូវលេខ២០០២ ផ្លូវលេខ២០០៤ ផ្លូវវេងស្រេង និងផ្លូវជាច្រើនខ្សែទៀតមានរថយន្តដឹកទំនិញសណ្ដោងកន្ទុយវែងៗបើកបរឆ្លងកាត់ចន្លោះម៉ោង៧ព្រឹកដល់ម៉ោង១ឬម៉ោង២រសៀល ហើយមិនឃើញមន្ត្រីមន្ទីរសាធារណការនិងសមត្ថកិច្ចពាក់ព័ន្ធចាត់វិធានការទប់ស្កាត់ទាល់តែសោះ។