ប្រជានេសាទនៅឃុំពាមបាង ស្រុកស្ទោង ខេត្តកំពង់ធំ ក៏បានឲ្យដឹងដែរថានៅក្នុងមូលដ្ឋាន ពួកគាត់ឧបករណ៍ នេសាទខុស ច្បាប់ ដូចជា ឆ្នុកភ្លើងពណ៌ របាំងណររ៉ាយ ក្រឡាញឹករាប់រយខ្សែដែលមាន ប្រវែងបណ្ដោយពី៣០០ ម៉ែត្រទៅជាង ១០០០ម៉ែត្រ ត្រូវក្រុមជនល្មើស ប្រើប្រាស់សម្រាប់ចាប់ត្រី យ៉ាងអនាធិបតេយ្យ។ ប្រភពបានឲ្យដឹងទៀតថា មន្ត្រីរដ្ឋបាល ជលផលក្នុងតំបន់ ពាមបាង មិនចាត់វិធានការបង្ក្រាបបទល្មើសនេសាទដែលកំពុងកើតឡើងយ៉ាងពេញបន្ទុកនោះទេ ហើយលោក ហួន ផល មេរដ្ឋបាលជលផលពាមបាង កំពុងសប្បាយប្រមូលលុយពីក្រុមជនល្មើសប្រើឧបករណ៍ខុសច្បាប់ម៉ាសប្បាយ ។ បញ្ហានេះជារឿងដែលក្រសួងនិងស្ថាប័នពាក់ព័ន្ធមិនគួរបណ្ដែតបណ្ដោយតទៅទៀតនោះទេ ជាពិសេសលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ គួរចាត់វិធានការបង្ក្រាបបទល្មើសនេសាទនៅក្នុងតំបន់បឹងទន្លេសាបនៃខេត្តកំពង់ធំ ប្រកបដោយប្រសិទ្ធភាព។
ប្រជានេសាទជាលក្ខណៈគ្រួសារនៅស្រុកកំពង់ស្វាយ និងស្រុកស្ទោង ខេត្តកំពង់ធំ បានរិះគន់ជាបន្តបន្ទាប់ទៅលើមន្ត្រីអាជ្ញាធរខេត្តកំពង់ធំ ដែលបណ្ដែតបណ្ដោយឲ្យបទល្មើសនេសាទប្រើឧបករណ៍ខុសច្បាប់កើតឡើងយ៉ាងរាលដាល ហើយមិនចាត់វិធានការបង្ក្រាបប្រកដោយប្រសិទ្ធភាព។ ជាក់ស្ដែងតាំងពីអំឡុងខែកញ្ញា ឆ្នាំ២០១៧ រហូតមកដល់ពេលនេះបទល្មើសនេសាទប្រើឧបករណ៍ខុសច្បាប់នៅក្នុងតំបន់បឹងទន្លេសាបនៃស្រុកស្ទោង និងស្រុកកំពង់ស្វាយ ខេត្តកំពង់ធំ កើតឡើងយ៉ាងពេញបន្ទុកហើយមិនឃើញលោក សុខ លូ អភិបាលខេត្តកំពង់ធំ ចាត់វិធានការបង្ក្រាបឡើយ។ ហេតុនេះហើយទើបលោក ប៉ែន វណ្ណរឹទ្ធ នាយខណ្ឌរដ្ឋបាលជលផលខេត្តកំពង់ធំ និងមន្ត្រីក្រោមឱវាទឃុបឃិតគ្នាបើកដៃឲ្យមានបទល្មើសកើតឡើងកាន់តែខ្លាំងជាងមុនដើម្បីជាថ្នូរនឹងផលប្រយោជន៍។
ពលរដ្ឋនៅស្រុកកំពង់ស្វាយ និងស្រុកស្ទោង ខេត្តកំពង់ធំ បានឲ្យដឹងថា កន្លងទៅនេះបទល្មើសនេសាទប្រើឧបករណ៍ខុសច្បាប់ក្នុងតំបន់បឹងទន្លេសាបនៃឃុំពាមបាង ស្រុកស្ទោង និងឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ កើតឡើងយ៉ាងពេញបន្ទុកហើយមិនឃើញមន្ត្រីរដ្ឋបាលជលផល និងសមត្ថកិច្ចពាក់ព័ន្ធចាត់វិធានការទប់ស្កាត់ប្រកបដោយប្រសិទ្ធភាពនោះទេ។ លោក ប៉ែន វណ្ណរឹទ្ធ នាយខណ្ឌរដ្ឋបាលជលផលខេត្តកំពង់ធំ ត្រូវប្រជាពលរដ្ឋរិះគន់ថាជាអ្នកបណ្ដោយឲ្យមន្ត្រីរដ្ឋបាលជលផលនៅឃុំពាមបាង ស្រុកស្ទោង និងឃុំផាត់សណ្ដាយ ស្រុកកំពង់ស្វាយ ធ្វើអ្វីៗតាមអំពើចិត្តដើម្បីជាថ្នូរនឹងផលប្រយោជន៍។ សូម្បីតែលោក អេង ជាសាន អគ្គនាយករដ្ឋបាលជលផល ក៏រក្សាភាពស្ងៀមស្ងាត់ដែរ ក្នុងខណៈដែលបទល្មើសប្រើឧបករណ៍ខុសច្បាប់ក្នុងតំបន់បឹងទន្លេសាបនៃខេត្តកំពង់ធំ រាលដាលកាន់តែខ្លាំងឡើងៗធ្វើឲ្យធនធានមច្ឆជាតិត្រូវប្រឈមនឹងសេចក្ដីវិនាសអន្តរាយ។
សេចក្ដីរាយការណ៍ពីប្រជានេសាទជាលក្ខណៈគ្រួសារនៅក្នុងឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ បានឲ្យដឹងថានៅក្នុងមូលដ្ឋានពួកគាត់បទល្មើសនេសាទប្រើឧបករណ៍ខុសច្បាប់ច្រើនប្រភេទនៅតែបន្តកើតឡើងយ៉ាងពេញបន្ទុកដោយគ្មានមន្ត្រីជំនាញ ឬសមត្ថកិច្ចពាក់ព័ន្ធណាចាត់វិធានការទប់ស្កាត់នោះទេ។ លោក យ៉ាន់ វិសាក់ ហៅសែ នាយផ្នែករដ្ឋបាលជលផលផាត់សណ្ដាយ ត្រូវបានប្រជាពលរដ្ឋនិងមន្ត្រីអាជ្ញាធរមូលដ្ឋានរិះគន់ថា ជាអ្នកឃុបឃិតបើកដៃឲ្យក្រុមជនល្មើសប្រើឧបករណ៍ខុសច្បាប់យ៉ាងពេញបន្ទុកដើម្បីជាថ្នូរនឹងផលប្រយោជន៍។ ប្រភពខ្លះបានរាយការណ៍ថាក្នុងរបាំងសាច់អួនក្រឡាញឹក ឬរបាំងស្បៃមុង១កន្លែងត្រូវបង់ឲ្យមន្ត្រីរដ្ឋបាលជលផល ២០០ដុល្លារឬ៨០ម៉ឺនរៀលដើម្បីចៀសផុតពីការបង្ក្រាប ហើយលោក យ៉ាន់ វិសាក់ និងបក្ខពួកអាចប្រមូលលុយបានយ៉ាងច្រើនធ្ធើមានធ្វើបានលើគំនរទឹកភ្នែកអ្នកដដៃ?។បឋម