មន្ត្រីរាជការនិងមជ្ឈដ្ឋាន នានាបានកត់សម្គាល់ថា ក្នុងមួយថ្ងៃៗឈ្មួញធំៗនាំចូល ទំនិញពីស្រុកយួនតាម ច្រកព្រំដែនក្នុង ស្រុក មេមត់ និងស្រុកពញាក្រែក ខេត្តត្បូងឃ្មុំ រាប់រយរថយន្ត ហើយភាគច្រើននៃទំនិញទាំងនោះ បង់ពន្ធត្រឹម១០ភាគ រយទៅ៣០ ភាគរយដែលជាហេតុ ធ្វើឲ្យរដ្ឋត្រូវខាតបង់ចំណូល ពន្ធមិនតិចឡើយ។ មន្ត្រីគយប្រចាំ ច្រកព្រំដែនក្នុងស្រុកមេមត់ និងស្រុកពញាក្រែក ហ៊ានធ្វើអ្វីៗតាមអំពើចិត្តគឺដោយសារមានការឃុបឃិតបើកដៃពីសំណាក់ចៅហ្វាយនាយរបស់ពួកគេផងដែរ ហេតុនេះហើយទើបឈ្មួញអាចនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់កាន់តែច្រើនឡើងៗ។ ដូច្នេះហើយទើបមានការអំពាវនាវឲ្យលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ក៏ដូចជាលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករ ចាត់វិធានការទប់ស្កាត់អំពើពុករលួយរបស់មន្ត្រីគយតាមច្រកព្រំដែនក្នុងស្រុកមេមត់ និងស្រុកពញាក្រែក ខេត្តត្បូងឃ្មុំខ្លះផង កុំឲ្យពួកគេធ្វើអ្វីៗតាមអំពើចិត្តទៀតព្រោះវានាំឲ្យមានការប៉ះពាល់យ៉ាងខ្លាំងដល់វិធានការកែទម្រង់ស៊ីជម្រៅរបស់ស្ថាប័នគយទាំងមូល។
ច្រកព្រំដែនជាច្រើនកន្លែងនៅក្នុងស្រុកមេមត់ ខេត្តត្បូងឃ្មុំ ត្រូវបានមន្ត្រីមួយចំនួនតាមច្រកទាំងនោះបង្ហើបឲ្យដឹងថា សមត្ថកិច្ចគយនិងសមត្ថកិច្ចពាក់ព័ន្ធដទៃទៀតឃុបឃិតឲ្យឈ្មួញនាំចូលទំនិញគេចពន្ធ និងទំនិញបង់ពន្ធមិនគ្រប់ក៏ដូចជាទំនិញខុសច្បាប់កាន់តែច្រើនឡើងៗ។ ក្នុងនោះមន្ត្រីគយតាមច្រកមួយចំនួនឃុបឃិតជាមួយឈ្មួញបន្លំប្រភេទទំនិញ តាមរបៀពុករលួយដែលជាហេតុធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ ហើយផលប្រយោជន៍បានទៅមន្ត្រីគយពុករលួយនិងសមត្ថកិច្ចពាក់ព័ន្ធដទៃទៀត។ បញ្ហានេះគឺជារឿងដែលលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករ មិនគួរមើលរំលងតទៅទៀតទេព្រោះការហូរចូលទំនិញគេចពន្ធតាមច្រកព្រំដែនក្នុងខេត្តត្បូងឃ្មុំ ធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ។
ប្រភពពីសមត្ថកិច្ចតូចតាចប្រចាំច្រកព្រំដែនត្រពាំងផ្លុង ស្រុកពញាក្រែក និងច្រកផ្សេងៗទៀតនៅស្រុកមេមត់ បានឲ្យដឹងថាឈ្មួញដែលរកស៊ីនាំចូលទំនិញតាមច្រកទាំងនោះភាគច្រើនជាឈ្មួញដែលមានខ្នងបង្អែករឹងមាំ ហើយមានការឃុបឃិតពីមន្ត្រីពុករលួយជាប្រព័ន្ធ ។ ប្រភពខ្លះបានឲ្យដឹងថា ទំនិញដែលឈ្មួញនាំចូលតាមច្រកព្រំដែនជាច្រើនកន្លែងនៅក្នុងស្រុកមេមត់ ខេត្តត្បូងឃ្មុំ ឈ្មួញបង់ពន្ធត្រឹម១០ភាគរយទៅ៣០ភាគរយប៉ុណ្ណោះ ហើយជួនកាលមន្ត្រីគយបានឃុបឃិតជួយបន្លំប្រភេទទំនិញដើម្បីទទួលផលប្រយោជន៍ពីឈ្មួញយ៉ាងសុខស្រួល។ ឈ្មួញខ្លះនាំចូលទំនិញជាគ្រឿងអេឡិចត្រូនិកដែលត្រូវបង់ពន្ធក្នុងតម្លៃខ្ពស់ ប៉ុន្តែគេកែឯកសារដាក់ជាទំនិញចាប់ហួយដើម្បីបង់ពន្ធក្នុងកម្រិតទាប។បឋម
031 33 03 888