ប្រភពពីមន្រ្តីបានអោយ ថាទោះបីជាតម្លៃទាបហើយ យ៉ាងណាតែមិនឃើញមាន ឈ្មួញចូលទៅទិញជ្រូករបស់ ពួកគាត់ដូចមុនទៀត ឡើយ ពោលគឺលំបាករក ទីផ្សារខ្លាំងណាស់ ។ ចំណែកឈ្មួញលក់ជ្រូក នៅតាមទីផ្សារនិងកន្លែងកុ ងស៊ីកាប់ជ្រូក កាន់តែ ច្រើនបាននាំគ្នាទិញ ជ្រូកដែលគេដឹកតាមរថយន្ត យកមកលក់ដោយមិនដឹងថា មកពីប្រទេសសៀម ឬប្រទេសយួននោះទេ ហើយក៏ឃើញមានជ្រូកងាប់គេលក់ឱ្យឈ្មួញផងដែរដោយ១គីឡូក្រាមត្រឹមតែ២០០០ទៅ ៣០០០រៀលប៉ុណ្ណោះ ។ ដោយសារជ្រូកបរទេសដឹកតាមរថយន្តលក់ក្នុងតម្លៃថោក ទើបគេមិនសូវចូលទៅទិញជ្រូករបស់ប្រជាពលរដ្ឋដែលចិញ្ចឹមនៅតាមភូមិ ។
អ្នកចិញ្ចឹមជ្រូកនិងអ្នកលក់ជ្រូកនៅខេត្តប៉ៃលិន បានបញ្ជាក់ថា អាជ្ញាធរនិងមន្ត្រីជំនាញនៅខេត្តប៉ៃលិន ពិសេសលោក ខៀវ សុថុន ប្រធានពេទ្យសត្វប្រចាំខេត្តប៉ៃលិន មាត់បានថ្លែងប្រាប់អ្នកសារព័ត៌មានថាពួកខ្លួនការពារ និងជួយផ្តល់ផលប្រយោជន៍ដល់អ្នកចិញ្ចឹមជ្រូក និងអ្នកលក់ជ្រូកក្នុងស្រុក តែទង្វើរបស់មន្ត្រីទាំងនោះមិនដូចសំដីដែលពួកគាត់បានសន្យានោះទេ។ ជាក់ស្តែងជ្រូកសៀម និងយួនមានលក់នៅខេត្តប៉ៃលិន យ៉ាងច្រើនស្អេកស្កះ ខណៈជ្រូកចិញ្ចឹមក្នុងស្រុកលក់បានថោក និងគ្មានទីផ្សារលក់។
ក្រុមអ្នកចិញ្ចឹមជ្រូក រស់នៅក្នុងភូមិតាង៉ែនលើ សង្កាត់ប៉ៃលិន ក្រុងប៉ៃលិន បានរៀបរាប់ឱ្យដឹងថា ពួកគាត់បានចិញ្ចឹមជ្រូកអស់រយៈពេលជិត១០ឆ្នាំហើយ ។ ការចិញ្ចឹមជ្រូកនេះដោយធ្វើការបិតស្រាលក់ជាដើមទុនដោយយកប្រាក់ទិញអង្ករ និងត្របែរបន្តទៀត ហើយកាកសំណល់បាយស្រាដាក់ឱ្យជ្រូកស៊ី ។ ប្រភពបន្តទៀតថា ជាធម្មតាពួកគាត់ចិញ្ចឹមជ្រូកជាង១០០ក្បាល ទាំងតូចនិងធំហើយក៏មានឈ្មួញចូលមកទិញហូរហែ។ ប៉ុន្តែនៅរយៈពេលចុងក្រោយនេះ ខណៈជ្រូកបរទេសកំពុងនាំចូលយ៉ាងច្រើននោះ តម្លៃជ្រូករស់ដែលឈ្មួញដើរទិញតាមភូមិពីពួកគាត់ ១គីឡូក្រាមត្រឹមតែ៥៥០០រៀលដោយពីមុន១គីឡូក្រាមលក់បាន៦៥០០រៀលឯណោះ ។
ជុំវិញបញ្ហាខាងលើនេះ អ្នកចិញ្ចឹមជ្រូក និងអ្នកលក់ជ្រូកនៅខេត្តប៉ៃលិន បានរិះគន់ថា ទាំងអាជ្ញាធរ និងមន្ត្រីជំនាញតែងតែឆ្លើយយករួចខ្លួនក្រោមហេតុផលផ្សេងៗដូចជាបរទេសគេចិញ្ចឹមសត្វបានច្រើនជាងខ្មែរ ចិញ្ចឹមបានលឿនជាងខ្មែរ លក់ថោកជាងខ្មែរ គុណភាពល្អជាងខ្មែរ ដឹកជញ្ជូនដល់ទីកន្លែង និងសេដ្ឋកិច្ចទីផ្សារសេរីដែលខ្មែរយើងមិនអាចហាមឃាត់គេនាំចូលជាដើម។ ប្រភពដដែលបានបន្តថា ពួកគាត់ធុញទ្រាន់ និងនឿយណាយនឹងពាក្យដោះសារបស់មន្ត្រីទាំងនោះខ្លាំងណាស់ តែអ្វីដែលពួកគាត់ចង់បានគឺដំណោះស្រាយចំពោះមុខនិងយូរអង្វែង ហើយថាបរទេសគេធ្វើបានល្អគ្រប់យ៉ាង និងអាចដឹកផលិតផលគេយកមកលក់ដល់ស្រុកខ្មែរ ចុះហេតុអ្វីមេដឹកនាំខ្មែរ និងមន្ត្រីជំនាញខ្មែរមិនអាចធ្វើដូចបរទេស ។ បឋម
031 33 03 888