មន្ត្រីនៅច្រកទ្វារអន្តរជាតិ ព្រែកចាក ស្រុកកំពង់ត្រាច ខេត្តកំពត បានឲ្យដឹងថាការ ដែលលោក ជុំ ប៊ុណ្ណារ័ត្ន ហ៊ានប្រើអំណាចប្រព្រឹត្ត អំពើពុករ លួយយ៉ាងគឃ្លើន គឺដោយសារអាងមានខ្នងបង្អែកយ៉ាងរឹងមាំ នៅក្នុងអគ្គនាយកដ្ឋាន អន្តោប្រវេសន៍ក្រសួង មហាផ្ទៃ។ សូម្បីតែប្រជាពលរដ្ឋខ្មែរ ដែលឆ្លងដែនចូលទៅពិនិត្យ និងព្យាបាលជំងឺនៅស្រុក យួនក៏ត្រូវ ក្រុមមន្ត្រីនគរ បាលអន្តោ ប្រវេសន៍បក្ខពួករបស់លោក ជុំ ប៊ុណ្ណារ័ត្ន ប្រើវិធីគាបយកលុយស្រេចតែអំពើចិត្តដែរ។ ជាងនេះទៅទៀតលោក ជុំ ប៊ុណ្ណារ័ត្ន និងបក្ខពួកឃុបឃិតជាមួយសមត្ថកិច្ចគយនិងសមត្ថកិច្ចពាក់ព័ន្ធដទៃទៀតបើកដៃឲ្យឈ្មួញនាំចូលទំនិញគេចពន្ធ និងទំនិញបង់ពន្ធមិនគ្រប់កាន់តែច្រើនឡើងៗដើម្បីជាថ្នូរនឹងផលប្រយោជន៍។ បញ្ហានេះថ្នាក់ដឹកនាំក្រសួងមហាផ្ទៃនិងអគ្គស្នងការនគរបាលជាតិមិនគួរបណ្ដែតបណ្ដោយតទៅទៀតទេ ព្រោះគ្រាន់តែក្នុងមួយរយៈពេលខ្លីសោះលោក ជុំ ប៊ុណ្ណារ័ត្ន ប្រើអំណាចប្រព្រឹត្តអំពើពុករលួយល្បីឈ្មោះយ៉ាងខ្លាំង។ ទន្ទឹមនឹងនេះអង្គភាពប្រឆាំងអំពើពុករលួយ ដែលមានលោក ឱម យ៉ិនទៀង ជាប្រធាន គួរចាត់វិធានការទប់ស្កាត់អំពើពុករលួយរបស់លោក ជុំ ប៊ុណ្ណារ័ត្ន មេនគរបាលអន្តោប្រវេសន៍ច្រកព្រែកចាក ជាបន្ទាន់ផងដែរព្រោះមន្ត្រីនគរបាលរូបនេះ កំពុងប្រើអំណាចនិងតួនាទីប្រព្រឹត្តអំពើពុករលួយ ។
មានការអំពាវនាវឲ្យនាយឧត្តមសេនីយ៍ នេត សាវឿន អគ្គស្នងការនគរបាលជាតិ ចាត់វិធានការទប់ស្កាត់អំពើពុករលួយរបស់លោក ជុំ ប៊ុណ្ណារ័ត្ន មេនគរបាលអន្តោប្រវេសន៍ច្រកព្រែកចាក ស្រុកកំពង់ត្រាច ខេត្តកំពត ជាបន្ទាន់។ ដោយហេតុថាបច្ចុប្បន្ននេះលោក ជុំ ប៊ុណ្ណារ័ត្ន កំពុងល្បីល្បាញខាងប្រើអំណាចប្រមូលលុយតាមរបៀបពុករលួយពីក្រុមឈ្មួញនាំចូលទំនិញតាមច្រកនេះ ហើយសូម្បីតែទំនិញនាំចូលស្របច្បាប់មានឯកសារបង់ពន្ធត្រឹមត្រូវក៏ចៀសមិនផុតពីបង់លុយឲ្យលោក ជុំ ប៊ុណ្ណារ័ត្ន តាមការកំណត់ដែរ។ បញ្ហានេះជារឿងដែលថ្នាក់ដឹកនាំក្រសួងមហាផ្ទៃ និងនាយឧត្តមសេនីយ៍ នេត សាវឿន អគ្គស្នងការនគរបាលជាតិ មិនគួរមើលរំលងតទៅទៀតទេ ហើយត្រូវចាត់វិធានការទប់ស្កាត់ប្រកបដោយប្រសិទ្ធភាព។ មន្ត្រីតូចតាចនៅច្រកព្រែកចាកបានបញ្ជាក់ថាលោក ជុំ ប៊ុណ្ណារ័ត្ន មេនគរបាលអន្តោប្រវេសន៍ច្រកព្រែកចាក កំពុងប្រព្រឹត្តអំពើពុករលួយកំពុងធ្វើឲ្យប៉ះពាល់ដល់កេរ្តិ៍ឈ្មោះស្ថាប័ននគរបាលជាតិទាំងមូល ហើយផលប្រយោជន៍បានទៅមន្ត្រីពុករលួយដែលធ្វើអ្វីៗតាមអំពើចិត្ត។
ថ្មីៗនេះក្រុមអ្នករត់ការឯកសារនាំចូលទំនិញតាមច្រកទ្វារអន្តរជាតិព្រែកចាក បានឲ្យដឹងថា នគរបាលអន្តោប្រវេសន៍ប្រចាំច្រកនេះដែលនៅក្រោមការគ្រប់គ្រងរបស់លោក ជុំ ប៊ុណ្ណារ័ត្ន កំពុងប្រព្រឹត្តអំពើពុករលួយយ៉ាងពេញបន្ទុកគ្មានញញើតអ្វីឡើយ។ ក្រុមអ្នករត់ការឯកសារបានឲ្យដឹងថា ទោះបីក្រុមហ៊ុនពួកគេនាំចូលទំនិញស្របច្បាប់មានឯកសារបង់ពន្ធគយជូនរដ្ឋត្រឹមត្រូវយ៉ាងណាក៏ដោយ ក៏ក្នុង១រថយន្តតូចឬរថយន្តធំ ឬ១កុងតឺន័រត្រូវបង់លុយលើតុក្រោមតុឲ្យលោក ជុំ ប៊ុណ្ណារ័ត្ន យ៉ាងច្រើនបន្ថែមទៀតទើបអាចដឹកជញ្ជូនទំនិញពីទឹកដីយួនចូលទឹកដីខ្មែរដោយគ្មានការរំខាន។ អំពើពុករលួយរបស់លោក ជុំ ប៊ុណ្ណារ័ត្ន និងបក្ខពួកកំពុងធ្វើឲ្យឈ្មួញនិងអាជីវករឬក្រុមហ៊ុនដែលនាំចូលទំនិញពីស្រុកយួន រិះគន់កាន់តែខ្លាំងឡើងៗព្រោះត្រូវបង់លុយក្រៅផ្លូវការឲ្យក្រុមមន្ត្រីពុករលួយកាន់តែច្រើនឡើងៗ។បឋម
031 33 03 888