ប្រភពពីសមត្ថកិច្ចបានឲ្យដឹងថា ក្រោយពីជនសង្ស័យខាងលើត្រូវ បានសមត្ថកិច្ចកសាងសំណុំ រឿងបញ្ជូនទៅតុលាកា រដើម្បីធ្វើការចោទ ប្រកាន់ផ្តន្ទាទោសស្របតាម នីតិវិធីច្បាប់នោះ បែរជាចៅក្រម ស៊ើបសួរសាលាដំបូងខេត្ត ក្រចេះម្នាក់ គឺលោក អេង ចំណាប់ បានដោះលែងឈ្មួញដឹក ជញ្ជូនឈើខុសច្បាប់ម្នាក់នោះឲ្យត្រឡប់ទៅផ្ទះវិញ។ ការសម្រេចបែបនេះ បានធ្វើឲ្យមាន ការរិះគន់ពីគ្រប់មជ្ឈដ្ឋាន ពិសេសកម្លាំងសមត្ថកិច្ចដែលខិតខំតាមចាប់ជនល្មើសដោយសម្តែងការសោកស្តាយថា សមត្ថកិច្ចជាអ្នកចាប់ជនល្មើស ហើយបែរជាមន្ត្រីតុលាការជាអ្នកដោះលែងទៅវិញ។
មានប្រតិកម្មរិះគន់ខ្លាំងៗបានធ្លាក់ចុះមកជាបន្តបន្ទាប់ក្រោយពីចៅក្រមស៊ើបសួរនៃសាលាដំបូង ខេត្តក្រចេះម្នាក់ គឺលោក អេង ចំណាប់ បានដោះលែងឈ្មួញដឹកជញ្ជូនឈើខុសច្បាប់ម្នាក់ឲ្យត្រឡប់ទៅវិញបន្ទាប់ពីកម្លាំងសមត្ថកិច្ច និងមន្ត្រីអាជ្ញាធរជាច្រើននាក់តាមបង្ក្រាប និងចាប់ខ្លួនជនល្មើសរូបនេះបានយ៉ាងលំបាក។ ករណីដោះលែងជនល្មើសពីសំណាក់មន្ត្រីតុលាការបែបនេះមិនមែនទើបតែកើតឡើងមួយករណីនេះនោះទេ ហើយក៏បានកើតឡើងរាប់សិបឆ្នាំមកហើយដែលបញ្ហាឆ្លុះបញ្ចាំងពីភាពទន់ខ្សោយនៃប្រព័ន្ធតុលាការកម្ពុជា។
ថ្មីៗនេះកម្លាំងសមត្ថកិច្ចចម្រុះទាំងនគរបាល និងអាវុធហត្ថស្រុកស្នួល ក្រោមការដឹកនាំពីព្រះរាជអាជ្ញារង ជា សុភ័ក្រ និង លោក គង់ គឹមនី ជាគណៈបញ្ជាការឯកភាពស្រុកស្នួល បានបើកប្រតិបត្តិការចុះទៅបង្ក្រាបសកម្មភាពដឹកជញ្ជូនឈើខុសច្បាប់ នៅក្នុងទឹកដីស្រុកស្នួល ស្ថិតនៅលើផ្លូវជាតិលេខ៧ ក្នុងឃុំខ្សឹម ។ ក្នុងប្រតិបត្តិការនេះកម្លាំងចម្រុះបានឃាត់រថយន្តដឹកឈើ និងដឹកអុសស្រស់រហូតដល់២៥គ្រឿង ព្រមទាំងឃាត់ខ្លួនបានជនសង្ស័យម្នាក់ឈ្មោះ រី សុភា អាយុ៣១ឆ្នាំ រស់នៅស្រុកមេមត់ ខេត្តត្បូងឃ្មុំ បន្ទាប់ពីជននេះបានបើករថយន្ដគេចពីសមត្ថកិច្ច ហើយបុករថយន្ដស៊ីរ៉ែនរបស់សមត្ថកិច្ច។
ជុំវិញបញ្ហាខាងលើនេះសមត្ថកិច្ច និងប្រជាពលរដ្ឋខេត្តក្រចេះ បានរិះគន់ថា ដោយសារតែអំពើពុករលួយ បក្ខពួកនិយម និងការអនុវត្តច្បាប់គ្មានប្រសិទ្ធភាពនោះ គឺបានធ្វើឲ្យតុលាការកម្ពុជានៅតែទន់ខ្សោយ ពោរពេញទៅដោយអំពើពុករលួយនិងគ្មានជំនឿចិត្តពីសាធារណមតិ។ បឋម
031 33 03 888