អំពើ​ពុករលួ​យរបស់​ អភិបា​លខេត្ត​កំពង់ឆ្នាំង​ ត្រូវបានលា​តត្រដា​ង?

ភ្នំពេញ៖មន្ត្រីរាជការនិង​  ប្រជាពលរដ្ឋក្នុង ខេត្តកំពង់ឆ្នាំង  មានការភ្ញាក់ផ្អើល  យ៉ាងខ្លាំងក្រោយពេលដឹងថា លោក ឈួរ ច័ន្ទ ឌឿន  អភិបាលខេត្តកំពង់ឆ្នាំង  មានជាប់ពាក្យបណ្ដឹងនៅអង្គភាព ប្រឆាំងអំពើពុករលួយ ពាក់ព័ន្ធកា រប្រគល់ដី ឲ្យ ក្រុម ហ៊ុន អិល ខេអិល។

ជាមួយគ្នានេះមាន ប្រភពខ្លះ បានឲ្យដឹងថាលោក  ឈួរ ច័ន្ទឌឿន ជាអភិបាល ខេត្ត ដ៏អសមត្ថភាពព្រោះបទល្មើសផ្សេងៗ ដូច ជា បទ ល្មើសព្រៃឈើ បទល្មើសនេសាទ  ល្បែងស៊ីសង និងគ្រឿងញៀន  នៅតែរាលដាល យ៉ាងពេញបន្ទុកដ ដែល។

ដូច្នេះថ្នាក់ដឹកនាំក្រសួងមហាផ្ទៃ  មិនគួរមើលរំលង ភាពអសកម្មរបស់លោក  ឈួរ ច័ន្ទឌឿន អភិបាលខេត្ត កំពង់ឆ្នាំង ដែលកំពុង ជាប់បណ្ដឹង នៅអង្គភាពប្រឆាំង  អំពើពុករលួយនោះទេ។

ថ្មីៗនេះមានជនអនាមិក  ប្ដឹងទៅអង្គភាពប្រឆាំង អំពើពុករលួយ ទាក់ទង នឹងរឿងអាស្រូវរបស់លោក  ឈួរ ច័ន្ទឌឿន អភិបាល ខេត្ត កំពង់ឆ្នាំង ជាពិសេសទាក់ទងទៅ នឹងការប្រគល់ដីឲ្យក្រុមហ៊ុន អិលខេអិល។

នៅក្នុងពាក្យបណ្ដឹងនោះ  បានលើកឡើងថាលោក  ឈួរ ច័ន្ទឌឿន លក់ដីរដ្ឋឲ្យក្រុមហ៊ុនអិលខេអិល  ខនស្ត្រាក់ សិន ខូអិលធីឌី  ហើយទទួលបាន លុយយ៉ាងច្រើន ពីការតម្រូវឲ្យពលរដ្ឋក្នុង១គ្រួសារបង់ ប្រាក់១០០០ដុល្លារជាថ្នូរនឹង ការផ្លាស់ប្ដូរទៅនៅទីតាំងថ្មី។

ក្នុងពាក្យបណ្ដឹងបាន  លើកឡើងទៀតថាលោក ឈួរ ច័ន្ទឌឿន  ទទួលបានដី១០ឡូត៍ហើយ មានភាពយឺតយ៉ាវ ក្នុងការផ្ដល់ ប័ណ្ណ  កម្មសិទ្ធិដីធ្លី  ជូនប្រជាពលរដ្ឋ។

រឿងអាស្រូវរបស់លោក ឈួរ ច័ន្ទឌឿន បែបនេះកំពុងត្រូវបានលោក ឈួរ ច័ន្ទឌឿន បំភ្លឺទៅកាន់អង្គភាពប្រឆាំង អំពើពុករលួយផងដែរ ហើយមជ្ឈដ្ឋាននានា កំពុងរង់ចាំមើលយ៉ាងយកចិត្តទុកដាក់នូវវិធាន ការរបស់អង្គភាព ប្រឆាំងអំពើពុករលួយ ដែលមានលោក ឱម យ៉ិនទៀង ជាប្រធាន។

មន្ត្រីរាជការមួយចំនួន ក្នុងខេត្តកំពង់ឆ្នាំង បានលើកឡើងថា បណ្ដឹង ចោទប្រកាន់លោក ឈួរ ច័ន្ទឌឿន អភិបាលខេត្តកំពង់ ឆ្នាំង អាចជារឿងពិត  ហើយជារឿងដែល អង្គភាពប្រឆាំង អំពើពុករលួយ គួរបើកការស៊ើបអង្កេត  ប្រកបដោយតម្លាភាព។

ជាពិសេសរឿងអាស្រូវ របស់អភិបាល ខេត្តកំពង់ឆ្នាំង គឺជារឿងដែលត្រូវ  បកស្រាយបញ្ជាក់ឲ្យ បានច្បាស់លាស់ ព្រោះអំពើពុ ករ លួយ របស់ថ្នាក់ដឹកនាំខេត្ត  មិនមែនជារឿង តូចតាចនោះទេ ៕