ខេត្តកំពង់ចាម៖ ប្រជាពលរដ្ឋរស់នៅក្នុងស្រុក ចំការលើខេត្តកំពង់ចាម បានលើកឡើងពីកង្វល់ នៅក្នុងមូលដ្ថានរបស់ខ្លួន អំពីសន្តិសុខ ល្បែងស៊ីសង គ្រឿងញៀនដើម្បី ឲ្យអាជ្ញាធរជួយអន្តរាគមន៍ ខណៈដែលសព្វថ្ងៃ ពួកគាត់ជួបបញ្ហាប្រឈម ទាំង អស់ អាជ្ញាធរមិន អើពើឡើយ។សព្វថ្ងៃនេះនៅក្នុងស្រុកចំការលើបញ្ហាចោរលួច ឆក់ និងក្មេងទំនើង ល្បែងស៊ីសង និងគ្រឿងញៀនធ្វើសកម្មភាពពាសពេញមូលដ្ឋាន ពិសេសល្បែងជល់មាន់និងគ្រឿងញៀន គ្មានអាជ្ញាធរឬកម្លាំងសមត្ថកិច្ចចេញមុខបង្ក្រាបបានទាន់ពេលវេលាឡើយ។ បណ្តោយឲ្យពួកជនសង្គមងងឹតទាំងនោះ ធ្វើសកម្មភាពបង្កអសន្តិសុខរាល់យប់រាល់ថ្ងៃ ធ្វើឲ្យប្រជាពលរដ្ឋមានការភ័យខ្លាច ខណៈគោលនយោបាលនយោបាយរដ្ឋាភិបាលឲ្យចាត់វិធានការចុះបង្ក្រាប។បញ្ហាល្បែងស៊ីសងរីកឡើងដូចផ្សិតនៅក្នុងភូមិមហាឃុំស្វាយទាបស្រុកចំការលើខេត្តកំពង់ចាមបង្កឲ្យមានបញ្ហាចោរលួច ឆក់ប្លន់រួមទាំងបញ្ហាគ្រឿងញៀនផងដែរ។ដែលកម្លាំងមានសមត្ថកិច្ចមិនធ្វើការបង្ក្រាប និងទប់ស្កាត់នោះឡើយ។ប្រជាពលរដ្ឋម្នាក់ បាននិយាយថានៅក្នុងភូមិមហាឃុំស្វាយទាបស្រុកចំការលើខេត្តកំពង់ចាម មានល្បែងស៊ីសងជល់មាន់និងគ្រឿងញៀនរីកឡើងដូចផ្សិតដែលមានមេការឈ្មោះ(បារាំង)។ក្រៅពីល្បែងបៀរ អាប៉ោង ក្នុងមូលដ្ឋានក្នុងភូមិមហាឃុំស្វាយទាបស្រុកចំការលើខេត្តកំពង់ចាម នៅតែបន្តលេងយ៉ាងសកម្ម មិនមានសមត្ថកិច្ចពាក់ព័ន្ធចុះមកបង្ក្រាប។ ក្រៅពីការលើកឡើងខាងលើប្រជាពលរដ្ឋថា មន្ត្រីប៉ូលិសដើរយកលុយ ពីល្បែងប្រៀបបានដូចគេដើរយកភាស៊ីតាមផ្សារអ៊ីចឹង!ដែរ។ ជុំវិញបញ្ហាខាងលើនេះប្រជាពលរដ្ឋ ស្នើសុំឲ្យអាជ្ញាធរខេត្តកំពង់ចាមជួយអន្តរាគមន៍ ធ្វើយ៉ាងណាឲ្យភូមិ សង្កាត់មានសុវត្ថិភាពនិងការសុំឲ្យមានការ កែទម្រង់មន្ត្រី មានសមត្ថកិច្ចអនុវត្តការងារឲ្យបានត្រឹមត្រូវទៅតាមច្បាប់៕
031 33 03 888