ប្រភពពីមន្ត្រីគយក្នុងលក្ខខណ្ឌសុំមិនបញ្ចេញឈ្មោះឲ្យដឹងថា លោកជំទាវ ប៉ាន់ ត្រាប្រណី ហៅ ពៅ បាននិងកំពុងធ្វើសកម្មភាពគ្របដណ្តប់យ៉ាងជ្រៅចូលកិច្ចការផ្ទៃក្នុងរបស់អគ្គនាយកដ្ឋានគយនិងរដ្ឋាករ និយាយរួមលូកលាន់ការងាររបស់ប្តី(លោក គុណ ញឹម) ស្ទើរតែទាំងអស់លើកិច្ចការតម្លើងឋានៈ ឬផ្ទេរភារកិច្ចមន្ត្រីគយពីកន្លែងមួយទៅកន្លែងមួយទៀតផងដែរ។ប្រភពដដែលបញ្ជាក់ថា ប្រសិនបើមន្ត្រីគយចង់ឡើងឋានៈ ឬប្តូរភារកិច្ចសំខាន់ប្តូរប៉ុស្តិ៍មិនចាំបាច់ ទាក់ទងទៅថ្នាក់ដឹកនាំស្ថាប័នគយ ឬទាក់ទងផ្ទាល់ទៅលោក គុណ ញឹម ទេ។ ប៉ុន្តែគេគ្រាន់តែតាមខែ្សចូលជួបលោកជំទាវ ប៉ាន់ ត្រាប្រណី ហៅពៅ គឺអូខេទៅហើយ ។ ប្រភពបន្តថា រាល់ការងារទាំងអស់បើលោកជំទាវថា)okគឺបានទៅហើយ ។យ៉ាងណាក៏ដោយ មន្ត្រីគយទាំងនោះអះអាងថា មន្ត្រីគយដែលចង់ឡើងឋានៈ ឬប្តូរកន្លែងឈរជើងត្រូវមានលុយ ហើយលុយរាប់ពីខ្ទង់សែនដុល្លារឡើងទៅ ខណៈដែលប៉ុស្តិ៍ខ្លាញ់មែនទែនអាចឈានដល់លានដុល្លារឯណោះ។ចំពោះការរិះគន់ខាងលើសារពត៌មានយើងបានព្យាយាមសុំការបំភ្លឺពីលោកជំទាវ ប៉ាន់ ត្រាប្រណី ផងដែរ។ ប៉ុន្តែពុំទាន់ទំនាក់ទំនងសុំការបំភ្លឺបាននៅឡើយ ។មានមតិរិះគន់ថាលូកដៃចូលជ្រៅក្នុងកិច្ចការប្តីគឺកើតមានយូរហើយ ក្នុងសង្គមខ្មែរយើង ។អ៊ីចឹង!ហើយទើបចាស់បុរាណបានបន្សល់នូវពាក្យប្តីសក្កិមួយប្រពន្ធសក្កិ៣ ប្តីសក្កិ៤ ប្រពន្ធផ្កាយមួយរហូតសព្វថ្ងៃ ។ដោយឡែករឿងអង្គភាពគយនេះ អ្នកណាមិនល្បីថា មន្ត្រីគយម្នាក់ណាក៏សម្បូរលុយដែរគ្មានមន្ត្រីគយណាដែលក្រទេ ហើយការចង់ចូលគយមិនងាយបានចូលដោយស្រួលៗ នោះទេ ប្រសិនបើគ្មានលុយគ្មានបក្ខពួកគ្មានសែស្រឡាយនោះ ។ លោកគុណ ញឹម អតីតអគ្គនាយករងនៃអគ្គនាយកដ្ឋានគយ និងរដ្ឋាករកម្ពុជា ទទួលបានការតែងតាំងជាអគ្គនាយកនៃអគ្គនាយកដ្ឋានគយ និងរដ្ឋាករកម្ពុជានៃក្រសួងសេដ្ឋកិច្ច និងហិរញ្ញវត្ថុ ជំនួសឯកឧត្តមបណ្ឌិត ប៉ែន ស៊ីម៉ន ដែលដល់អាយុចូលនិវត្តន៍ ដោយព្រះរាជក្រឹត្យលេខនស/រកត/០៩១៤/១១៧២ ចុះថ្ងៃទី២៩ ខែកញ្ញា ឆ្នាំ២០១៤ ។ក្រៅពីមានមុខតំណែង «ខ្លាញ់» ជាមេគយធំ នោះលោក គុណ ញឹម ក៏ទទួលបានការតែងតាំងផងដែរជា សមាជិកឧត្តមក្រុមប្រឹក្សាសេដ្ឋកិច្ចជាតិ មានឋានៈស្មើរដ្ឋលេខាធិការ បន្ថែមលើមុខងារបច្ចុប្បន្ន ដោយព្រះរាជក្រឹត្យលេខនស/រកត/០៤១៥/៣៩៤ ចុះថ្ងៃទី២៩ ខែមេសា ឆ្នាំ២០១៥ ។ក្រោយមកទៀត លោក គុណ ញឹម ត្រូវបានដំឡើងថ្នាក់ជាករណីពិសេសពីឋានន្តរស័ក្តិឧត្តមមន្ត្រីថ្នាក់លេខ៣ មកឋានន្តរស័ក្តិឧត្តមមន្ត្រីថ្នាក់លេខ១នៃក្របខ័ណ្ឌមន្ត្រីគ្រប់គ្រងរដ្ឋបាលនៅក្រសួងសេដ្ឋកិច្ច និងហិរញ្ញវត្ថុ តាមរបៀប «ផ្លោះរំលង» ដោយព្រះរាជក្រឹត្យលេខនស/រកត/០៦១៦/៥៩៩ ចុះថ្ងៃទី១៣ ខែមិថុនា ឆ្នាំ២០១៦ ។សារពត៌មានយើងរង់ចាំបកស្រាយបើមានប្រតិកម្ម៕
0
បែកធ្លាយភរិយាលោកមេគយគុណញឹមក្តោបក្តាប់ដំណែងអគ្គនាយកដ្ឋានគយនិងរដ្ឋាករ
Filed in: នយោបាយ, ព័ត៌មានថ្មី