របាំងសាច់អួនមួយកន្លែងៗរាប់ពាន់ម៉ែត្រនៅមុខវត្តភូមិ ឬស្សីដង្កួច ឃុំជលសារ ស្រុកជលគិរី ខេត្តកំពង់ឆ្នាំងបណ្ដែតខ្លួនតាំងពីរដូវបិទនេសាទ ដល់រដូវបើក មិនដែលឃើញបង្ក្រាបឱ្យមានប្រសិទ្ធភាពនោះទេ ក្រោមល្បែងលេង បិទពួន របស់លោក លី ឡា នាយខណ្ឌរដ្ឋបាល ជលផល កំពង់ឆ្នាំង លុះបែកធ្លាយដល់អ្នកសារព័ត៌មាន ក្រៅខេត្ត ក៏កាត់ ពន្លិចបង្គោល និងស្រាយទំលាក់សាច់អួន លិចក្នុងផ្ទៃរឹមៗ ជម្រៅពីរធ្នាប់ ទៅមួយតឹក។
ក្នុងគោលបំណង ធ្វើឱ្យកំបាំងភ្នែក មហាជន ។ មើលទៅឃើញសម្បើមពេក ឯជនល្មើស បានអួតថា មន្ត្រីជលផល តាំងពីថ្នាក់ខណ្ឌ ដល់ផ្នែក សង្កាត់សុទ្ធតែនិយាយគ្នាត្រូវរ៉ូវអស់ហើយ ឯលោក ងិន ហ៊ុន ប្រធានមន្ទីរ កសិកម្ម រុក្ខាប្រម៉ាញ់ និងនេសាទ ខេត្តកំពង់ឆ្នាំង ក៏ទំនងជា ត្រូវថ្នាំដែរហើយ ។
ឥឡូវនេះ ទន្ទឹមគ្នានឹងលោក ឧត្ដមសេនីយ៍ទោ ខូវ លី ស្នងការនគរបាល និងឯកឧត្ដម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង ក៏សម្ងំស្ងៀម ផងដែរ មហាជនពិតជាឆ្ងល់ថាតើឆាកល្ខោនក្នុងការបង្ក្រាបបទល្មើសនេសាទនេះ បង្ក្រាបរើសមុខ អ្នកដែលផ្ដល់មធ្យោបាយសម្រាប់ផលប្រយោជន៍ផ្ទាល់ខ្លួនឲ្យពន្លិចក្នុងទឹករឹមៗ មុនពេលចុះប្រតិបត្តិការម្ដងៗរីឯប្រជាពលរដ្ឋមួយចំនួនដែលអត់មានខ្នងបង្អែកត្រូវជំនាញពាក់ព័ន្ធអនុវត្តច្បាប់ដើម្បីជាការបិទបាំងបទល្មើសនៅក្នុងខេត្តកំពង់ឆ្នាំង៕
031 33 03 888