ព្រះវិហារ៖ ប្រជាពលរដ្ឋរស់នៅភូមិណារ៉ុង ឃុំឆែបពីរ និងប្រជាពលរដ្ឋ រស់នៅឃុំកំពង់ស្រឡៅមួយ ឃុំកំពង់ស្រឡៅពីរ ស្រុកឆែប ខេត្តព្រះវិហារ បានសំណូមពរដល់អាជ្ញាធរ និងសមត្ថកិច្ចពាក់ព័ន្ធក្នុងខេត្តព្រះវិហារ ឲ្យជួយបញ្ឈប់សកម្មភាពរថយន្តដឹកជញ្ជូនទំនិញ ធុនធ្ងន់ ដែលតែងតែធ្វើសកម្មភាពដឹកអង្ករទៅលក់នៅប្រទេសឡាវទាំងយប់ទាំងថ្ងៃ ដែលបណ្តាលឱ្យកំណាត់ផ្លូវជាតិលេខ៩៤ រងការខូចខាត ធ្វើឱ្យពួកគាត់ពិបាកធ្ងើដំណើរ និងដឹកជញ្ជូនកសិផលនានាទៅកាន់ទីផ្សារ។
ប្រជាពលរដ្ឋនៅភូមិណារ៉ុង ឃុំឆែបពីរ ស្រុកឆែប ខេត្តព្រះវិហារ បានឱ្យដឹងនៅថ្ងៃទី26ខែតុលា ឆ្នាំ2023នេះថា។កំណាត់ផ្លូវជាតិលេខ94 ពីស្រុកឆែប ទៅព្រំដែនប្រទេសកម្ពុជាឡាវ កាលពីឆ្នាំកន្លងទៅ ទោះរដូវវស្សាភ្លៀងធ្លាក់ ជោគជាំយ៉ាងណា ក៏មិនដល់ថ្នាក់រងការខូចខាតធ្ងន់ធ្ងរ ធ្វើឱ្យប្រជាពលរដ្ឋពិបាកធ្វើដំណើរដែរ។ ក៏ប៉ុន្តែនៅឆ្នាំនេះផ្លូវជាតិលេខ៩94បានរងការខូចខាតធ្ងន់ធ្ងរ ដោយសាររថយន្តធុនធ្ងន់ដឹកអង្ករ ទៅលក់នៅឯប្រទេស ឡាវ និងរថយន្តដឹកសុីម៉ង់តិ៍ពីព្រំដែនឡាវយកមកលក់ក្នុងស្រុក បើកបរទាំងយប់ ទាំងថ្ងៃ ទើបបណ្តាលធ្វើឱ្យផ្លូវនេះរងការខូចខាតធ្ងន់ធ្ងរយ៉ាងនេះ។
ប្រជាពលរដ្ឋសូមសាទរ និងសប្បាយរីករាយចំពោះមន្ទីរសាធារណការ និងដឹកជញ្ជូនខេត្តព្រះវិហារ ក្រោយពេលភ្លៀងចាប់ផ្តើមរាំងភ្លាម បានដឹកជញ្ជូនគ្រឿងចក្រមកធ្វើការជួសឆាយ ជួសជុល ថែទាំកំណាត់ផ្លូវជាតិលេខ94ឡើងវិញ រហូតមកដល់ថ្ងៃបានជួសជុលយ៉ាងស្អាតបណ្តើរៗហើយ
ប្រជាពលរដ្ឋបានបន្តទៀតថា ស្របពេលដែលក្រុមការងារ ជួសជុល ថែទាំផ្លូវ របស់មន្ទីរសាធារណការ និងដឹកជញ្ជូនខេត្តព្រះវិហារ កំពុងធ្វើសកម្មភាពជួសជុលផ្លុវ គឺគាត់សង្កេតឃើញថារថយន្តដឹកអង្ករទៅលក់នៅប្រទេសឡាវ មិនមានសកម្មភាពដឹកដូចពេលមុនៗទេ ដែលកត្តានេះពួកគាត់សន្និដ្ឋានថាមកពីគេកំពុងជួសជុលផ្លុវទើបរថយន្តដឹកអង្ករមិនមក ឫមួយពេលផ្លូវធ្វើស្អាតហើយ ទើបរថយន្តដឹកអង្ករនេះដំណើរការឡើងវិញ?។
ប៉ុន្តែទោះជាយ៉ាងណាប្រជាពលរដ្ឋរស់នៅឃុំឆែបពីរ ឃុំកំពង់ស្រឡៅមួយ ឃុំកំពង់ស្រឡៅពីរ ស្រុកឆែប ខេត្តព្រះវិហារ បានថ្លែងសំណូមពរដល់អាជ្ញាធរ និងសមត្ថកិច្ចពាក់ព័ន្ធក្នុងខេត្តព្រះវិហារ សូមមេត្តាបញ្ឈប់សកម្មភាពរថយន្តដឹកជញ្ជូនធុនធ្ងន់ដឹកអង្ករទៅលក់នៅប្រទេសឡាវ កុំឱ្យរថយន្តធុនធ្ងន់ដំណើរការតទៅទៀតហេតុនេះហើយទើបប្រជាពលរដ្ឋមិនចង់ពិបាកក្នុងការធ្វើដំណើរដោយសារតែរថយន្តធុនធ្ងន់ធ្វើឱ្យខូចផ្លូវ៕
031 33 03 888