បទល្មើសជលផលដែលបានកើតឡើងនៅលើទឹកដីខេត្តសៀមរាប ជាពិសេសនៅក្នុងស្រុកសូត្រនិគម បានកើតឡើងយ៉ាងអនាធិបតេយ្យ នៅសង្កាត់រដ្ឋបាលជលផលកំពុងភ្លុក និងសង្កាត់រដ្ឋបាលជលផលកំពុងឃ្លាំង ប្រជាពលរដ្ឋសំណូមពរទៅលោកពុំ ស៊ីថា ប្រតិភូរាជរដ្ឋាភិបាល និងជាប្រធានរដ្ឋបាលជលផល មេត្តាមើលមន្ត្រីក្រោមឱវាទ ដែលកំពុងតែប្រព្រឹត្តអំពើពុករលួយ ជាមួយនឹងបទល្មើសជលផលទំនើបៗ ។
បើតាមប្រភពព័ត៌មានពីប្រជាពលរដ្ឋបានអោយដឹងថាសូម្បីតែនៅនិងសង្កាត់រដ្ឋបាលជលផលកំពុងភ្លុកក៏មានអធិការដ្ឋានរដ្ឋបាលជលផលខាងជើងបឹងទន្លេសាបឈរជើងនៅជាមួយដែរ តើហាក់បីដូចជាធ្វើមិនដឹងមិនឮ ទាល់តែថ្នាក់លើដាក់បទបញ្ជាមកបានឃើញចុះទៅបង្ក្រាបបន្តិចបន្តួច។ ហើយក៏សូមបញ្ជាក់ថា បទល្មើសជលផលនេះ បង្ក្រាបនៅកន្លែងណា គឺកើនឡើងនៅកន្លែងនោះលើសដើមទៅទៀត នេះបើតាមការបញ្ជាក់ពីប្រជាពលរដ្ឋ ។
នាយសង្កាត់រដ្ឋបាលជលផលកំពុងឃ្លាំងមានឈ្មោះ សុខ សុង នាយសង្កាត់រដ្ឋបាលជលផលកំពុងភ្លុកមានឈ្មោះ អ៊ាន ភឿត។ ការឃុបឃិតរបស់ជំនាញពាក់ព័ន្ធបទល្មើសនេសាទ ធ្វើឱ្យធនធានមច្ឆាជាតិចុះអន់ថយម្ដងបន្តិចៗ ៕
031 33 03 888