បទល្មើសនេសាទដែលប្រើឧបករណ៍ទំនើបកើតនៅក្នុងភូមិសាស្ត្រស្រុកជីក្រែង ខេត្តសៀមរាប ក្នុងតំបន់សហគមន៍ ផ្ទោលស្រោង មាត់ខ្លា ស្ថិតនៅក្នុងឃុំអន្លង់សំណរ បានកើតឡើងមិនថារដូវបិទនិងរដូវបើកនេសាទនោះទេ។ ហើយ ទាំងអស់នេះគឺផ្តើមមកពីសមត្ថកិច្ចជំនាញពាក់ព័ន្ធនៅមូលដ្ឋានដោយមានលក្ខណ:ស៊ីតាមជុំនាញឃុបឃិតគ្នាជាប្រព័ន្ធទើប បណ្តាលឲ្យមានបទល្មើសមានដូចជារបាំង ណរ៉ាវ លូស្បៃមុង ហើយឈានមកដល់ប្រើឧបករណ៍នេសាទទំនើបៗ ខុសច្បាប់ប្រើប្រាស់អំពូលភ្លើងដាក់ឆ្នុកនៅពេលយប់ដើម្បីចាប់យកត្រីចម្រុះទាំងតូចទាំងធំ ក្នុងមួយយប់ៗរាប់តោន ចំណុចតំបន់ស្នូលដែលមហាជនដាក់ ហសនាមថា ជាតំបន់ព្រួតស៊ីគ្នា គ្រប់ជំនាញ ក្នុងរូបភាពខាងក្រោមនេះ គឺមានលោកនាយសង្កាត់រដ្ឋបាលជលផលអន្លង់សំណរ មានបរិស្ថាន ។
មាននាយខណ្ឌរដ្ឋបាលជលផលខេត្តសៀមរាប បើកភ្លើងខៀវឲ្យមានបទល្មើសនេសាទនៅក្នុងដែនសមត្ថកិច្ចរបស់ខ្លួនយ៉ាងពេញបន្ទុក ទោះបីសារព័ត៌មានធ្វើការចុះផ្សាយយ៉ាងណា ក៏មន្ត្រីជំនាញគេមិនខ្វល់និងមានចំណាត់ការឡើយលើបទល្មើសទាំងនោះឡើយ ព្រោះទុកជាឆ្នាំងបាយរបស់ខ្លួន។
តាមប្រភពពីប្រជានេសាទម្នាក់បានប្រាប់ឲ្យអ្នកសារព័ត៌មានយើងដឹងថាក្រុមអ្នកនេសាទខ្នាតធំៗគឹគេបង់ប្រាក់ឲ្យមន្ត្រីជំនាញប្រចាំខែបើមិនដូច្នោះទេគឺគេកំទេចចោលតែបើអ្នកបង់ប្រាក់ហើយគឺមិនមានបញ្ហាអ្វីឡើយ។
ហេតុនេះហើយប្រជាពលរដ្ឋសូមសំណូមពរទៅឯកឧត្តមឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ មេត្តាមានវិធានការលើមន្ត្រីដែលពាក់ព័ន្ធជាមួយនឹងបទល្មើសចាក់គ្រឹះដុះស្លែចាប់ដៃគ្នាបំផ្លាញធនធានធម្មជាតិ ជីវៈចម្រុះនៅខេត្តសៀ រាបផងទាន ។ ព្រោះនាបច្ចុប្បន្ននេះ បទល្មើសនេសាទកើតឡើងយ៉ាងពេញបន្ទុករីឯមន្ត្រីជំនាញពាក់ព័ន្ធគ្មានសមត្ថភាពធ្វើការបង្ក្រាបបទល្មើសនេសាទខុសច្បាប់នៅក្នុងដែនសមត្ថកិច្ចរបស់ខ្លួនបានឡើយ៕