ប្រជាពលរដ្ឋព្រមទាំងមន្ត្រីរាជការ នៅក្នុងមូលដ្ឋាននោះបានបង្ហើបប្រាប់ថា លោកប៉ែន សាវេង នាយផ្នែករដ្ឋបាលជលផលឃុំផាត់សណ្ដាយ មិនដែលយកភ្នែកមើលទេ សំខាន់ដល់រដូវប្រមូលលុយ គឺប្រមូល នៅពេលដែលប្រមូលរួចទៅបាត់ មិនដែលឃើញបង្ក្រាបទេ ទាល់តែមានកម្លាំងចំរុះ ចុះមកបង្ក្រាប ទើបមាន មុខលោកប៉ែន សាវេង មកជាមួយដែរ ។
បទបញ្ជា ត្រឹម លោកនាយខណ្ឌជលផល ឬមួយប្រធានមន្ទីរ កសិកម្ម លោកមិនស្ដាប់ទេ យ៉ាងច្រើនគ្រាន់តែធ្វើលិខិតបំភ្លឺ តែប៉ុណ្ណោះ កន្លងមកថ្មីៗនេះលោកប៉ែន សាវេង មានបញ្ជាអោយកូនចៅ ជាមន្ត្រីជលផល ឈ្មោះសូ រិទ្ធ ទៅឆក់ត្រីនៅក្នុងឡូ អភិរក្សព្រែកខ្សាច់ថែមទៀត អង្គុយលើច្បាប់ ដេកលើច្បាប់ មិនបង្ក្រាបហើយ ថែមទាំងបញ្ជាកូនចៅអោយទៅឆក់ត្រីនៅក្នុងឡូ អភរក្សសម្រាប់ទុកអោយពូជត្រីពងកូន នៅព្រែកខ្សាច់ទៀតផង។
ករណីខាងលើនេះប្រជាពលរដ្ឋ ព្រមទាំងមន្ត្រីរាជការ នៅក្នុងមូលដ្ឋាននោះសូមសំណូមពរ ទៅ ឯកឧត្តមឌិត ទីណា រដ្ឋមន្ត្រីក្រសួងកសិកម្ម រក្ខាប្រមាញនិងនេសាទ និងឯកឧត្តម ពុំ សុថា ប្រតិភូរាជ រដ្ឋាភិបាល ទទួលបន្ទុក ជាប្រធានរដ្ឋបាលជលផល មេត្តា ជួយកាត់សាច់ស្អុយរលួយ ធុំក្លិនបញ្ច្រាស់ខ្យល់ ដែលធ្វើអោយធន់ធានមច្ឆាជាតិរលាយអស់ ជារៀងរាល់ឆ្នាំផងទាន៕