លោក អ៊ុំ គឹមឡុងស្រូរ អ្នកមានឥទ្ធិពលមួយរូបនៅក្នុងភូមិថ្នល់ឃុំល្វែងឫស្សី ស្រុកជីក្រែង កំពុងរងការរិះគន់ថា បានបញ្ចេញឥទ្ធិពលរំលោភយកដីសម្បត្តិសាធារណៈរបស់រដ្ឋយកមកធ្វើជាកម្មសិទ្ធិរបស់ខ្លួន ។
នៅថ្ងៃទី 24 ខែកក្កដាឆ្នាំ 2023 ក្រុមអ្នកសារព័ត៌មានបានទទួលព័ត៌មានពីប្រជាពលរដ្ឋនៅភូមិកកោះ ឃុំល្វែងឫស្សី ស្រុកជីក្រែងខេត្តសៀមរាបថា លោក អ៊ុំ គឹមឡុងស្រូរ បានយកត្រាក់ទ័រពីរគ្រឿងទៅវ៉ៃព្រៃ ដើម្បីឈូសឆាយយកដីធ្វើជាកម្មសិទ្ធិរបស់ខ្លួនស្ថ្ថិត នៅក្នុងភូមិកកោះឃុំល្វែងឫស្សីស្រុកជីក្រែង ។ ដីព្រៃចំនួន 15 ហិកតា ត្រូវលោក អ៊ុំ គឹមឡុងស្រូរ រំលោភយកការកាប់ទន្ទ្រានយកដីព្រៃជាសម្បត្តិរដ្ឋនេះ ។
ប្រជាពលរដ្ឋកំពុងតែរិះគន់ ទៅលើលោក យុន ប្រុស មេឃុំល្វែងឬស្សី និងលោក ម៉េង ប៊ូគ្រី អភិបាលស្រុកជីក្រែងគ្មានចំណាត់ការទៅលើលោក អ៊ុំ គឹមឡុងស្រូរ អាស្រ័យហេតុនេះទើបប្រជាពលរដ្ឋបានរាយការណ៍មកអង្គភាពសារព័ត៌មានជួយផ្សព្វផ្សាយព័ត៌មាននេះទៅដល់ថ្នាក់ដឹកនាំ ជាពិសេសសម្ដេចអគ្គសេនាមហាបតីតេជោ ហ៊ុន សែន នាយករដ្ឋមន្ត្រីតែងតែដាក់ផ្សារអនុវ៉ាត តាមប្រព័ន្ធផ្សព្វផ្សាយឲ្យប្រជាពលរដ្ឋបានយល់ដឹង និងឈប់រំលោភយកដីជាសម្បត្តិរដ្ឋតទៅទៀត ។ តែបុគ្គលរូបនេះ នៅតែផ្គើននឹងអនុសាសន៍របស់សម្ដេចជាប្រមុខដឹកនាំ ប្រជាពលរដ្ឋតែងតែមានការគាំទ្រ ប្រសាសន៍របស់ថ្នាក់ដឹកនាំហើយ ក៏ដាក់បទបញ្ជាយ៉ាងម៉ឺងម៉ាត់ទៅដល់ថ្នាក់ដឹកនាំក្រោមជាតិ តើហេតុអ្វីបុគ្គល អ៊ុំ គឹមឡុងស្រូរ រូបនេះហ៊ានយកត្រាក់ទ័រទៅឈូសឆាយដីជាសម្បត្តិរបស់រដ្ឋ តើអាជ្ញាធរមូលដ្ឋានបានដឹងដែរឬទេ ឬដឹងហើយ ធ្វើមិនដឹង ។
អាស្រ័យហេតុនេះ សូមលោកមេឃុំល្វែងឫស្សី យុន ប្រុស និងលោកអភិបាលស្រុកជីក្រែង លោក ម៉េង ប៊ូគ្រី មេត្តាជួយចុះទៅមើលទីតាំងដីព្រៃមួយកន្លែង ត្រូវលោក អ៊ុំ គឹមឡុងស្រូរ នោះរំលោភយកផងទាន ៕