កាលពីព្រឹកថ្ងៃទី6ខែ កញ្ញាឆ្នាំ 2021 នៅកែងផ្លូវហាងកាហ្វេប្រោនទល់មុខវត្តព្រះព្រហ្មរ័ត្នខេត្តសៀមរាប វេលាម៉ោងប្រហែលជា10និង 15 នាទីនាពេលព្រឹក មានឧបទ្ទវហេតុកើតឡើង បណ្ដាលឲ្យរថយន្តមួយគ្រឿងពណ៌សពាក់ស្លាកលេខ ភ្នំពេញ 2AQ 3258 ខូចខាតផ្នែកពាក់កណ្ដាលរថយន្ត ទាំងស្រុង ដោយសារតែដើមចាន់គីរីដ៏ធំមួយបាក់ធ្លាក់សង្កាត់ពីលើ តែមិនបណ្ដាលឲ្យមានគ្រោះថ្នាក់ដល់ម្ចាស់រថយន្តឡើយ ដោយសារពួកគាត់ដើរចូលទៅផឹកកាហ្វេនៅហាងកាហ្វេប្រោនបាត់ ។
នៅជិតរថយន្តពណ៌សនេះផងដែរក៏មានរថយន្តហាយឡិនឌ័រពណ៌ខ្មៅមានស្លាកលេខភ្នំពេញ 2J 8765 ចតជិតគ្នាផងដែរ តែសំណាងល្អដើមចាន់គីរីនេះបាក់ធ្លាក់ខុសតែបន្តិចពីរថយន្តពណ៌ខ្មៅនេះតែប៉ុណ្ណោះ( មើលរូបថតខាងក្រោមនេះ)។ បងប្អូនប្រជាពលរដ្ឋដែលរស់នៅក្នុងខេត្តសៀមរាប មានការព្រួយបារម្ភជាខ្លាំងចំពោះដើមឈើធំៗដែលដុះតាមចិញ្ចឹមផ្លូវដែលតែងតែបាក់ធ្លាក់សង្កត់មកលើដងផ្លូវក៏ដូចជាបាក់ធ្លាក់លើជាយានយន្តនាពេលកន្លងមក នារដូវវស្សាដែលមានខ្យល់បក់ កន្ត្រាក់ខ្លាំងៗ ។ ដូច្នេះហើយបងប្អូនប្រជាពលរដ្ឋ សំណូមពរឲ្យអាជ្ញាធរពាក់ព័ន្ធមេត្តាជួយសម្រួលបញ្ហានេះមួយផង ដូចជាការកាប់ចោលខ្លះនូវដើមរុក្ខជាតិដែលងាយបាក់រលំដូចជាដើមដូងជាដើម…។ ករណីដូចជាដើមដូងមួយដើមដែលបាក់ធ្លាក់សង្កត់រឺម៉កកង់បីដឹកភ្ញៀវបណ្ដាលឲ្យម្ចាស់រុឺម៉កកង់បីស្លាប់ខាងត្បូងទក្សិណ ប្រាសាទអង្គរវត្តកាលពីប៉ុន្មានឆ្នាំកន្លងមក ដែលពេលនោះអាជ្ញាធរពាក់ព័ន្ធលើកដាក់លើគ្នាទៅវិញទៅមក ។ ដូច្នេះហើយដើម្បីចៀសវាងនៅហេតុការណ៍អាក្រក់ណាមួយកើតឡើងនៅពេលខាងមុខនេះ សូមអាជ្ញាធរពាក់ព័ន្ធទាំងអស់មេត្តាពិនិត្យមើលបញ្ហានេះម្ដងទៀត ជាក់ស្ដែងមានដើមដូងបីដើមដែលរកកលនឹងរលំពេលខ្យល់ម្ដងៗ ទីតាំងទល់មុខ ហាងម៉ូតូជេងពេជ ជួសជុលម៉ូតូធំ ចម្ងាយប្រហែល ៥0 ម៉ែត្រខាងត្បូងសាលាបឋមសិក្សាជាស៊ីម។
ដូចជាការលើកឡើងខាងលើនេះផងដែរ បងប្អូនប្រជាពលរដ្ឋសង្ឃឹមយ៉ាងមុតមាំថា រដ្ឋបាលខេត្តសៀមរាបនឹងមានដំណោះស្រាយមួយយ៉ាងមានប្រសិទ្ធភាពបំផុត ចំពោះបញ្ហានេះ ដើម្បីឲ្យស្របតាមអនុសាសន៍របស់សម្ដេចតេជោហ៊ុនសែន ដែលសម្ដេចតែងតែលើកឡើងថា សុខទុក្ខរបស់រាស្ត្រក៏ដូចជាសុខទុក្ខរបស់សម្ដេចផងដែរ។ អរគុណសន្តិភាព ៕
031 33 03 888