ហេតុការណ៍ នេះបានកើតឡើងនៅវេលាម៉ោង ១២.៥៦ នាទី រំលងអធ្រាត្រយប់ថ្ងៃទី១១ ឈានចូលថ្ងៃទី ១២ ខែសីហាឆ្នាំ ២០២១។
តាមប្រសាសន៍របស់លោកស្រី សុខ លាប ដែលជាម្ចាស់រថយន្តដឹកផ្លែឈើក្រឡាប់ផ្ងារជើងនេះបានឲ្យដឹងថា គាត់បានដឹកផ្លែឈើចេញពីភូមិសាស្ត្រនៃទឹកដីឡែម យកមកលក់នៅក្នុងផ្សារសាមគ្គីនៃទីក្រុងសៀមរាបខេត្តសៀមរាប ដូចសព្វមួយដង លុះមកដល់ចំណុចស្នាក់ការគយចល័តរបស់លោក ឈួន សោភា ត្រូវបានគយចល័តតំបន់ 5 ឆែកមើលម្ដងរួចហើយហើយគាត់ក៏បានធ្វើដំណើរបន្តមកតែត្រូវបានលោក ឈួន សោភា និងមន្ត្រីប៉ូលិសជាច្រើនរូបមានឡានពី ២ ទៅ ៣គ្រឿងដេញពួកគាត់រហូតពីទឹកដីខេត្តបន្ទាយមានជ័យ ពេលដល់ចំណុចផ្លូវស្រមោច ក៏បានបើកទ្វារឡានឱ្យឆែកមើលម្ដងទៀត ប៉ុន្តែលោកគយមិនព្រមនៅតែបញ្ជាឱ្យគាត់បើកឡានត្រឡប់ទៅស្នាក់ការគយលោក ឈួន សោភា នៅទឹកថ្លាដដែល លួសមកតាមផ្លូវគាត់ក៏បានឈប់ឱ្យឆែកមើលម្ដងទៀត ប៉ុន្តែការឆែកមើលនោះមិនមានអ្វីប្លែកនោះទេគឺមានតែផ្លែឈើដដែល ។
លោកស្រី សុខ លាប បានបន្តទៀតថា ដោយមានការភ័យខ្លាចព្រោះកន្លែងគយទឹកថ្លារបស់លោក ឈួន សោភា នេះធ្លាប់បានធ្វើស៊ីគាត់ម្ដងរួចទៅហើយ ដោយចាប់ឡានរបស់គាត់ក្រោមរូបភាពដូចយប់ហ្នឹងអញ្ចឹង ឲ្យតែចូលទៅដល់កន្លែងលោកឈួន សោភា ប្រៀបបានដូចជាចូលក្នុងមាត់ខ្លាអញ្ចឹង ព្រោះកាលនោះលោកគយ ឈួន សោភា ជំរិតទារលុយគាត់ប្រាំពាន់ដុល្លារជាថ្នូរដោះលែងទាំងឡានទាំងផ្លែឈឺមមកវិញ ដោយមានការភ័យខ្លាចដូចលើកមុនទៀតទើបគាត់ខំបើកឡានចូលមកក្នុងទឹកដីខេត្តសៀមរាប តែលុះមកដល់ស្រុកពួកស្រាប់តែមានកម្លាំងគយចល័តប្រចាំនៅស្រុកពួកដាក់ឡានទទឹងផ្លូវជាច្រើនគ្រឿងហើយឡានក្រុមលោក ឈួន សោភា ក៏បានកៀ ខោកឡានដឹកផ្លែឈើរបស់លោកស្រីទម្លាក់ផ្លូវតែម្ដង ក្រោយមកលោកស្រីក៏បានរត់តាមឡានក្រុមគយដែលគៀ ឡានលោកស្រីទម្លាក់ផ្លូវនោះដែលបើកចូលទៅក្នុងស្នាក់ការរបស់គយចល័តស្រុកពួក តែមិនបានសម្រេចក្នុងការតវ៉ានោះទេ ព្រោះត្រូវមន្ត្រីគយនៅស្រុកពួកហាមនិងជេរប្រមាថមិនឲ្យលោកស្រី ចូលឡើយ ក្រោយមករថយន្តគយចល័តតំបន់ 5 បើករំដោះគ្នាទៅម្ដងមួយម្ដងមួយបាត់អស់ទៅ។
លោកស្រី សុខ លាភ ដែលជាម្ចាស់រថយន្តដឹកផ្លែឈើបានក្រឡាប់ផ្ងារជើង ដោយសារក្រុមមន្ត្រីគយចល័តតំបន់ 5 លោក ឈួន សោភា ដេញប្រផាប់ចាប់ប្រភីងយកឡានជាច្រើនគ្រឿងពាំងមុខនិងកៀ ខោកឲ្យក្រឡាប់ផ្ងារជើងនេះ បណ្ដាលឱ្យខូចខាតដែលមានទំហំគិតជាទឹកប្រាក់ជាង 20 លានរៀល ហើយនៅមិនទាន់គិតអំពីការខូចខាតចំពោះរថយន្តនោះនៅឡើយទេ។ ចំពោះស្លាកលេខឡានគយចល័តតំបន់ 5 ដែលគេៀ ឡានគាត់ទម្លាក់ផ្លូវនោះគឺគាត់បានថតមានទាំងឃ្លីបវីដេអូទៀតផង ។
លោកស្រី សុខ លាភ សូមអំពាវនាវចំពោះឯកឧត្តមអគ្គនាយកដ្ឋានគយប្រចាំទូទាំងប្រទេស និងជាពិសេសបំផុតសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចគតិព្រឹទ្ធបណ្ឌិត ប៊ុន រ៉ានីហ៊ុន សែន សូមសម្ដេចទាំងទ្វេ មេត្តាពិនិត្យទៅលើលោកមេគយឈ្មោះ ឈួន សោភា ប្រចាំនៅគយចល័តតំបន់ 5ម្នាក់នេះផង ពីព្រោះលោកមេគយចល័តរូបនេះបានគាបសង្កត់ធ្វើបាបដល់បងប្អូនប្រជាពលរដ្ឋដែលរកទទួលទានដឹកទំនិញបន្តិចបន្តួចតាមដងផ្លូវខ្លាំងណាស់សព្វថ្ងៃនេះ ហើយលោកស្រីសូមអំពាវនាវសូមឱ្យសម្ដេចទាំងទ្វេ មេត្តាជួយអន្តរាគមន៍នៅក្នុងរឿងរបស់លោកស្រីនេះផង៕ (បឋម)
031 33 03 888