ប្រភពស្និទ្ធនឹងឈ្មួញឈ្មោះ សុខ មុនី បានឲ្យដឹងថា មេឈ្មួញម្នាក់នេះមានអំណាចខ្លាំងនិងមានខ្នងបង្អែករឹងមាំទើបអាចធ្វើសកម្មភាពទន្ទ្រានកាន់កាប់ដីព្រៃរបស់រដ្ឋក្នុងឃុំប្រឡាយ យកធ្វើជាកម្មសិទ្ធិយ៉ាងស្រួលៗ។ ប្រជាពលរដ្ឋបានលើកឡើងថា បើគ្មានការឃុបឃិតបើកដៃពីសំណាក់មន្ត្រីអាជ្ញាធរមូលដ្ឋានថ្នាក់ឃុំថ្នាក់ស្រុកទេនោះគឺឈ្មួញឈ្មោះ សុខ មុនី មិនអាចធ្វើសកម្មភាពទន្ទ្រានកាន់កាប់ដីព្រៃរបស់រដ្ឋជាច្រើនហិកតា នៅចំណុចខ្ជាយ យកធ្វើជាកម្មសិទ្ធិបានឡើយ។ ដូច្នេះលោក សុខ លូ អភិបាលខេត្តកំពង់ធំ មិនគួរបណ្តែតបណ្តោយតទៅទៀតទេព្រោះរយៈពេលប៉ុន្មានថ្ងៃកន្លងទៅនេះឈ្មួញឈ្មោះ សុខ មុនី ទន្ទ្រានកាន់កាប់ដីព្រៃក្នុងឃុំប្រឡាយ ស្រុកស្ទោង យកធ្វើជាកម្មសិទ្ធិយ៉ាងគឃ្លើន។
ប្រភពពីប្រជាពលរដ្ឋនៅក្នុងឃុំប្រឡាយ ស្រុកស្ទោង ខេត្តកំពង់ធំ បានឲ្យដឹងថា មួយរយៈកន្លងទៅនេះមេឈ្មួញឈ្មោះ សុខ មុនី បានយកគ្រឿងចក្រទៅវាយកម្ទេចព្រៃនៅចំណុចខ្ជាយ ឃុំប្រឡាយ ដើម្បីទន្ទ្រានយកដីព្រៃធ្វើជាកម្មសិទ្ធិយ៉ាងរលូន។ ប្រជាពលរដ្ឋបានឲ្យដឹងទៀតថា មន្ត្រីអាជ្ញាធរថ្នាក់ឃុំថ្នាក់ស្រុក មិនចាត់វិធានការទប់ស្កាត់ករណីឈ្មួញឈ្មោះ សុខ មុនី ទន្ទ្រានកាន់កាប់ដីព្រៃនោះទេ។ ដូច្នេះហើយទើបប្រជាពលរដ្ឋអំពាវនាវឲ្យលោក សុខ លូ អភិបាលខេត្តកំពង់ធំ ពិនិត្យឡើងវិញខ្លះផងព្រោះលោក ប៉ែន វណ្ណរិទ្ធ ប្រធានមន្ទីរកសិកម្មខេត្តកំពង់ធំ មិនចាត់វិធានការបង្ក្រាបសកម្មភាពរបស់ឈ្មួញឈ្មោះ សុខ មុនី នោះឡើយ។
តាមការបញ្ជាក់ពីប្រជាពលរដ្ឋបានឲ្យដឹងថា សម្រាប់ពួកគាត់ត្រឹមតែយកកាំបិតនិងពូថៅ កាប់ឈើពីរបីមែកមិនបានផងគឺត្រូវមន្ត្រីអាជ្ញាធរមូលដ្ឋាននិងសមត្ថកិច្ចពាក់ព័ន្ធចាត់វិធានការបង្ក្រាបយ៉ាងកំរោលជាមិនខាន។ ប៉ុន្តែចាប់តាំងពីថ្ងៃទី០៩ ខែកក្កដា ឆ្នាំ២០២១ ដែលឈ្មួញឈ្មោះ សុខ មុនី ប្រើគ្រឿងចក្រវាយកម្ទេចព្រៃនៅចំណុចខ្ជាយ ឃុំប្រឡាយ ទន្ទ្រានយកដីព្រៃធ្វើជាកម្មសិទ្ធិគឺមិនទាន់ឃើញមន្ត្រីអាជ្ញាធរថ្នាក់ឃុំថ្នាក់ស្រុក ចាត់វិធានការទៅលើឈ្មួញម្នាក់នេះទេ។
ជាងនេះទៅទៀតប្រធានមន្ទីរពាក់ព័ន្ធក្នុងខេត្តកំពង់ធំ ដូចជាលោក ប៉ែន វណ្ណរិទ្ធ ប្រធានមន្ទីរកសិកម្មខេត្តកំពង់ធំ និងលោក តុប កក្កដា ប្រធានមន្ទីរបរិស្ថានខេត្តកំពង់ធំ មិនហ៊ានប៉ះពាល់ឈ្មួញឈ្មោះ សុខ មុនី ទាល់តែសោះ។បឋម
031 33 03 888