ប្រភពព័ត៌មានពីថ្មីៗនេះក្រុមជនមួយចំនួនដែលជាអ្នកមានលុយមានអំណាចបានយកគ្រឿងចក្រចូលទៅឈូសឆាយដីលិចទឹករបស់រដ្ឋនៅក្នុងចំណុចឃុំផ្លូវទូកទំហំប្រមាណ២៣,៤០ហិកតា ហើយប្រជាពលរដ្ឋក៏បានរាយការណ៍ទៅមន្ត្រីអាជ្ញាធរផងដែរ។ ក៏ប៉ុន្តែសេចក្តីរាយការណ៍របស់ប្រជាពលរដ្ឋគឺជារឿងឥតន័យព្រោះអ្នកមានលុយមានអំណាចអាចធ្វើសកម្មភាពទន្ទ្រានកាន់កាប់ដីព្រៃលិចទឹកតំបន់៣ ក្នុងឃុំផ្លូវទូក ស្រេចតែអំពើចិត្តដដែល។
ជាក់ស្តែងដីព្រៃលិចទឹកតំបន់៣ ដែលជាតំបន់អភិរក្សត្រីមេពូជ៦កន្លែងក្នុងឃុំផ្លូវទូកទំហំ២៣,៤០ហិកតា ត្រូវបានគេទន្ទ្រានកាន់កាប់ទាំងស្រុងរួចទៅហើយ។ប្រជាពលរដ្ឋក្នុងឃុំផ្លូវទូក ស្រុកកំពង់លែង ខេត្តកំពង់ឆ្នាំង បានឲ្យដឹងថាដីព្រៃលិចទឹកក្នុងតំបន់អភិរក្សត្រីមេពូជកំពុងបាត់បង់ទាំងស្រុងព្រោះការចុះពិនិត្យចាត់វិធានការទប់ស្កាត់ពីសំណាក់ពីមន្ត្រីជំនាញនិងសមត្ថកិច្ចពាក់ព័ន្ធនាពេលកន្លងមកគ្មានប្រសិទ្ធភាពឡើយ។ មានការរិះគន់ចំៗថាលោក ឈួរ ច័ន្ទឌឿន អភិបាលខេត្តកំពង់ឆ្នាំង និងលោក ងិន ហ៊ុន ប្រធានមន្ទីរកសិកម្មខេត្តកំពង់ឆ្នាំង គ្មានឆន្ទៈក្នុងការទប់ស្កាត់សកម្មភាពទន្ទ្រានកាន់កាប់ដីព្រៃលិចទឹកនៅក្នុងឃុំផ្លូវទូក នោះទេ។
ជាងនេះទៅទៀត លោក លី ឡា នាយខណ្ឌរដ្ឋបាលជលផលខេត្តកំពង់ឆ្នាំង បណ្តោយឲ្យមន្ត្រីរដ្ឋបាលជលផលស្រុកកំពង់លែងធ្វើអ្វីៗស្រេចតែអំពើចិត្តមិនខ្វល់ពីការរិះគន់អ្វីទាំងអស់។
បើតាមការអះអាងរបស់ប្រជាពលរដ្ឋក្នុងឃុំផ្លូវទូកស្រុកកំពង់លែង បានឲ្យដឹងថា បើកគ្មានការបើកពីមន្ត្រីរដ្ឋបាលជលផលនិងមន្ត្រីអាជ្ញាធរថ្នាក់ឃុំថ្នាក់ស្រុកទេនោះគឺគ្មាននរណាអាចធ្វើសកម្មភាពបំផ្លាញព្រៃលិចទឹកទន្ទ្រានយកដីធ្វើជាកម្មសិទ្ធិបានឡើយ។ ដូច្នេះលោក ឈួរ ច័ន្ទឌឿន អភិបាលខេត្តកំពង់ឆ្នាំង និងលោក ងិន ហ៊ុន ប្រធានមន្ទីរកសិកម្មខេត្តកំពង់ឆ្នាំង មិនគួរបណ្តែតបណ្តោយតទៅទៀតទេព្រោះការចុះត្រួតពិនិត្យនិងចាត់វិធានការទប់ស្កាត់ពីមន្ត្រីជំនាញនិងមន្ត្រីអាជ្ញាធរនាពេលកន្លងមកគឺជារឿងឥតប្រយោជន៍។ ជាការពិតបច្ចុប្បន្នដីព្រៃលិចទឹកក្នុងតំបន់៣ ជម្រកត្រីពងកូននៅក្នុងឃុំផ្លូវទូករងការទន្ទ្រានកាន់កាប់ជាបន្តបន្ទាប់។ មានត