ប្រធាន​យុវជនសម្បុរសធម៌តាកែវ​នាំយកសម្ភារ និងថវិកា ជូនដល់សិស្សពូកែ លោកគ្រូ អ្នកគ្រូ នៅសាលាបឋមសិក្សា ហ៊ុន សែន អនុវត្តន៍ក្រុងដូនកែវ​

ខេត្តតាកែវ ៖ ថ្ងៃសុក្រ ១ កើត ខែ ភទ្របទ ឆ្នាំ កុរ ឯកស័ក ពុទ្ធសករាជ​២៥៦៣ ត្រូវនឹងថ្ងៃទី ៣០ ខែ សីហា ឆ្នាំ ឆ្នាំ២០១៩ លោក ហង្ស មុនី ប្រធាន យុវជនសម្បុរសធម៌តាកែវ លោក ញឹម ភារ៉ុន ក្រុមការងារ​ការិយាល័យមេធាវី លី កុសល បាននាំយកសម្ភារថវិកាចែកជូនសិស្សានុសិស្សដែលរៀនពូកែ និង លោកគ្រូ អ្នកគ្រូ នៅសាលាបឋមសិក្សា ហ៊ុន​សែន អនុវត្តន៍ក្រុងដូនកែវ ។​

ថ្លែងនាឱកាសនោះ​លោក ហង្ស មុនី បានថ្លែងអំណរគុណដល់មាតាបិតាសិស្សដែលបានលះបង់ពេលវេលា​កម្លាំងកាយចិត្ត បញ្ជូនកូនមកសាលា ដោយយល់ឃើញថាការអប់រំដើរតួរយ៉ាងសំខាន់បំផុតក្នុងការអភិវឌ្ឍសង្គមជាតិ ជាពិសេស​លោកគ្រូ អ្នកគ្រូ ដែលបានបង្កើតប្រគល់រង្វាន់សិស្សពូនេះឡើងជារៀងរាល់ឆ្នាំ ដើម្បីលើកទឹកចិត្តដល់ក្មួយៗឲ្យខំប្រឹងរៀន ។​

លោកបានបន្តថា ដោយសារតែប្រទេសជាតិយើងមានសន្តិភាព មានថ្នាក់ដឹកនាំរដ្ឋាភិបាលដែលល្អ ក្រោមការដឹកនាំរបស់សម្តេចតេជោ បានផ្តល់ឱកាសអោយកូនៗបានសិក្សារៀនសូត្រយ៉ាងពេញលេញ ហើយមានការីកចម្រើនស្ទើរគ្រប់វិស័យ ជាពិសេស​មួយរយៈ​កាលចុងក្រោយនេះ ឃើញថាវិស័យអប់រំលេចធ្លោតែម្តង នៅពេលប្រលងត្រូវបានប្រើប្រាស់ពាក្យថា «ចេះគឺជាប់» ដែលជាពង្រឹងគុណភាពអប់រំយ៉ាងរឹងមាំផងដែរ។​

សូមបញ្ចាក់ថា ចុងលោកប្រធានសមាគមក៏ក្រើនរំលឹកដល់លោកនាយក លោកគ្រូ អ្នកគ្រូ អោយប្រារព្ធពិធីនេះជារៀងរាល់ឆ្នាំ ហើយក៏ឧបត្ថម្ភសម្ភារថវិកាលើកទឹកដល់លោកគ្រូ អ្នកគ្រូ ចំនួន ២៨ នាក់ និងសិក្សាពូកែប្រចាំសាលាចនួន ១០៥ នាក់ផងដែរ។