ខេត្តសៀមរាប ៖ សកម្មភាពដឹកជញ្ជូនឈើរបស់ មេឈ្មួញឈ្មោះ ធឹង លាងស្រេង នៅតែបន្តភាពល្បីល្បាញដឹកជញ្ជូនឈើទាំងកណ្ដាលថ្ងៃ ចូលក្នុងដេប៉ូខេត្តសៀមរាបដោយគ្មានញញើត និងសមត្ថកិច្ចអ្វីឡើយ។ ជាក់ស្ដែងនៅក្នុងខែមេសាឆ្នាំ២០១៩នេះប្រជាពលរដ្ឋបានរាយការណ៍ថាមានឡាន វ៉េអង ខ្នាតយក្សជាច្រើនគ្រឿងដឹកឈើចេញពីចំណុចខេត្តព្រះវិហារយកមកដាក់និងដេប៉ូខេត្តសៀមរាបបានយ៉ាងដោយរលូន។
សកម្មភាពខាងលើនេះត្រូវបានគេសង្កេតឃើញថាហាក់ដូចជាពុំរំខានដល់សមត្ថកិច្ចពាក់ព័ន្ធ ក្នុងខេត្តសៀមរាបនោះទេជាពិសេសគឺ លោក ទៀ សីហា អភិបាលខេត្តសៀមរាប តែម្ដង។ក្រុមអ្នកសារព័ត៌មានយើងបានរាយការណ៍ទៅលោកទៀសីហាអភិបាលខេត្តសៀមរាបអំពីបញ្ហារថយន្តខ្នាតយក្សខាងលើនេះដែរប៉ុន្តែលោកអភិបាលខេត្តបានមានប្រសាសន៍ថាសូមឲ្យអ្នកសារព័ត៌មានផ្ញើរូបភាពហើយនិងទីតាំងមកគាត់និងចាត់កម្លាំងឲ្យទៅចុះចាប់នៅនឹងកន្លែងភ្លាមហើយរូបភាពនិងឡានដឹកឈើនិងទីតាំងដេប៉ូទិញលក់ឈើត្រូវបានអ្នកសារព័ត៌មានយើងរាយការណ៍នឹងផ្ញើរូបភាពទៅលោកអភិបាលខេត្តភ្លាមៗ។ទោះយ៉ាងណាក្រុមអ្នកសារព័ត៌មានយើងជាច្រើននាក់បានរង់ចាំមើលបទបញ្ជាក៏ដូចជាកម្លាំងរបស់អភិបាលខេត្តដែលបានបញ្ជាឱ្យចុះមកចាប់ដល់កន្លែងនោះគឺស្ងាត់ដូចចោរលួចសេះ ហេីយការដាក់បទបញ្ជានេះត្រូវបានប្រជាពលរដ្ឋរិះគន់ចាំៗថាសាបដូចទឹកទន្លេ។
សូមបញ្ជាក់ផងដែលថាលោកទៀសីហាអភិបាលខេត្តសៀមរាបគាត់តែងតែយកស្តាយដែលៗដើម្បីយកមកដោះសារជូនអ្នកសារពត៌មានយើងនិងមានការភូតភរលាក់អាថ៌កំបាំងដើម្បីការពារឈ្មួញរកស៊ីតែប៉ុណ្ណោះ។លោកម៉ុងប៊ុនលីមនាយខណ្ឌរដ្ឋបាលព្រៃឈើខេត្តសៀមរាបគាត់តែងតែឆ្លើយដោះសារនិងការពារដើម្បីក្ដោបក្ដាប់ប្រមូលយកប្រាក់ពីឈ្មួញដាក់ហ៊ោប៉ៅរបស់ខ្លួនតែប៉ុណ្ណោះរបៀបស្តាយឆ្លើយដោះសារដែលពេញនិយមរបស់កាត់គឺតែងតែនិយាយថាឈើមានច្បាប់។រីឯលោកម៉ក់ធារ៉ាស្នងការរងទទួលបន្ទុកខាងផ្នែកប៉ូលីសប្រឆាំងបទល្មើសសេដ្ឋកិច្ចខេត្តសៀមរាបវិញកន្លងទៅប្រជាពលរដ្ឋបានសង្កេតឃើញថាគឺគ្រាន់តែបញ្ចេញកម្លាំងយក្សដើម្បីកៀងត្រីឲ្យចូលទ្រូងតែប៉ុណ្ណោះ។
មេឈ្មួញធឹងលាងស្រេងពិតជាមានអំណាចយ៉ាងធំធេងក្នុងការក្ដោបក្ដាប់និងបញ្ជាទៅសមត្ថកិច្ចក្នុងខេត្តសៀមរាបទាំងមូលដើម្បីពង្រីកមុខរបររបស់ខ្លួនបានយ៉ាងងាយស្រួលនិងមានកិច្ចសហការពីសមត្ថកិច្ចស្ទើរគ្រប់ស្ថាប័ន។ដូច្នេះហើយទើបមានការអំពាវនាវពីប្រជាពលរដ្ឋក្នុងខេត្តសៀមរាបមានការស្នើឲ្យមន្ត្រីថ្នាក់លើជាពិសេសអង្គភាពប្រឆាំងអំពើពុករលួយលោក ឱម យិនទៀង មេត្តាចុះអង្កេតនិងស្រាវជ្រាវទៅលើមន្ត្រីពុករលួយមួយចំនួនក្នុងខេត្តសៀមរាបផង៕