ប្រភពពីមន្ត្រីសាលាឃុំស៊ីធរ មួយចំនួនបានបង្ហើបឲ្យដឹងថា លោក សេង សាវី ឬឧកញ៉ា ស៊ីន ទ្រី បានទិញ ដីទំហំ៥៤ហិកតាពី ប្រជាពលរដ្ឋក្នុងមូលដ្ឋាននេះដោយ ក្នុង១ហិកតាមានតម្លៃ២ម៉ឺន ដុល្លារដោយមាន ឯកសារត្រឹមត្រូវ។ ចំណែកដីបឹងស្គរទំហំ៩,៨០ហិកតា គឺលោក សេង សាវី ឬឧកញ៉ា ស៊ីន ទ្រី ទិញពីមន្ត្រីអាជ្ញាធរឃុំត្រឹម៩០០០ដុ ល្លារប៉ុណ្ណោះដោយគ្មានលិខិត ស្នាមអ្វីត្រឹមត្រូវនោះទេ។ ដូច្នេះហើយទើបមានសេចក្ដីអំពាវនាវឲ្យលោក ម៉ៅ ភិរុណ អភិបាលខេត្តកណ្ដាល ចាត់វិធានការទប់ស្កាត់បញ្ហានេះជាបន្ទាន់ ហើយមេឃុំចាស់នៃឃុំស៊ីធរ ដែលជាប់ពាក់ព័ន្ធនឹងការលក់ដីបឹងស្គរ មិនគួរគេចផុតពីសំណាញ់ច្បាប់នោះទេ។ ប្រជាពលរដ្ឋបានលើកឡើងថា ក្រោយពេលលោក សេង សាវី ឬឧកញ៉ា ស៊ីន ទ្រី លើកទំនប់ហ៊ុមព័ទ្ធដីបឹងស្គរ យកធ្វើជាកម្មសិទ្ធិរួចមកគឺកំពុងធ្វើឲ្យប៉ះពាល់ដល់ការរស់នៅរបស់ពួកគាត់យ៉ាងខ្លាំង ហេតុនេះហើយទើបពួកគាត់អំពាវនាវឲ្យលោក ម៉ៅ ភិរុណ អភិបាលខេត្តកណ្ដាល ចាត់វិធានការដោះស្រាយបញ្ហានេះតាមច្បាប់ដើម្បកុំឲ្យលោក សេង សាវី ឬឧកញ៉ា ស៊ីន ទ្រី ធ្វើអ្វីៗតាមអំពើចិត្តទៀត។
ប្រជាពលរដ្ឋរស់នៅឃុំស៊ីធរ ស្រុកខ្សាច់កណ្ដាល បានអំពាវនាវឲ្យលោក ម៉ៅ ភិរុណ អភិបាលខេត្តកណ្ដាល ពិនិត្យឡើងវិញទៅលើករណីមន្ត្រីអាជ្ញាធរឃុំស៊ីធរ និងមន្ត្រីអាជ្ញាធរស្រុកខ្សាច់កណ្ដាល ដែលលក់ដីបឹង៦៤ហិកតាទៅឲ្យលោក សេង សាវី ឬឧកញ៉ា ស៊ីន ទ្រី យកលុយចែកគ្នាចាយយ៉ាងសុខស្រួល។
ប្រភពបានឲ្យដឹងទៀតថា គម្រោងអភិវឌ្ឍន៍ធ្វើស្រែប្រាំងមួយឆ្នាំ៣ដងរបស់លោក សេង សាវី ឬឧកញ៉ា ស៊ីន ទ្រី លើផ្ទៃដីទំហំ៦៤ហិកតានៅក្នុងភូមិកំពង់ល្វា ឃុំស៊ីធរ ស្រុកខ្សាច់កណ្ដាល គឺជាមូលហេតុដែលធ្វើឲ្យមានការលើកទំនប់ព័ទ្ធយកដីបឹងស្គររួចជាស្រេចទៅហើយ។ ប្រជាពលរដ្ឋក្នុងភូមិកំពង់ល្វា ឃុំស៊ីធរ បានឲ្យដឹងថា ដីបឹងស្គរដែលជាសម្បត្តិសាធារណៈរបស់រដ្ឋដែលមានទំហំ៩,៨០ហិកតាត្រូវលោក សេង សាវី ឬឧកញ៉ា ស៊ីន ទ្រី រំលោភយកធ្វើជាកម្មសិទ្ធិយ៉ាងគឃ្លើនដោយអះអាងថាបានទិញពីមន្ត្រីអាជ្ញាធរនិងប្រជាពលរដ្ឋរួចហើយ។
ប្រជាពលរដ្ឋក្នុងភូមិកំពង់ល្វា បានឲ្យដឹងថា មួយរយៈកន្លងទៅនេះលោក សេង សាវី ឬឧកញ៉ា ស៊ីន ទ្រីបានប្រើគ្រឿងចក្រជីកដីលើកទំនប់យ៉ាងធំដើម្បីព័ទ្ធយកដីបឹងស្គរមិនឲ្យទឹកចូល ក្នុងខណៈដែលទឹកទន្លេកំពុងឡើងចាល់ជិតលិចទំនប់ជាបណ្ដើរៗទៅហើយនោះ។
ប្រជាពលរដ្ឋបានបញ្ជាក់ថា គម្រោងអភិវឌ្ឍន៍របស់លោក សេង សាវី ឬឧកញ៉ា ស៊ីន ទ្រី គឺនៅលើផ្ទៃដីទំហំ៦៤ហិកតាដោយក្នុងនោះទិញពីប្រជាពលរដ្ឋចំនួន៥៤ហិកតានិងទិញបឹងស្គរពីមន្ត្រីអាជ្ញាធរឃុំស៊ីធរ ទំហំប្រមាណ១០ហិកតាផងដែរ។ ប្រការនេះគឺជារឿងដែលលោក ម៉ៅ ភិរុណ អភិបាលខេត្តកណ្ដាល មិនគួរមើលរលងតទៅទៀតទេ ព្រោះដីបឹងស្គរដែលជាដីសាធារណៈរបស់រដ្ឋបែរជាត្រូវមន្ត្រីអាជ្ញាធរឃុំស៊ីធរ និងមន្ត្រីអាជ្ញាធរខ្សាច់កណ្ដាល ឃុបឃិតគ្នាលក់ឲ្យលោក សេង សាវី ឬឧកញ៉ា ស៊ីន ទ្រី ហើយយកលុយចែកគ្នាចាយដោយគ្មានញញើតអ្វីឡើយ ៕
031 33 03 888