ប្រភពពីប្រជាពលរដ្ឋ ក្នុងភូមិរុងរឿង ឃុំជាំក្សាន្ត បានឲ្យដឹងថា មួយរយៈ កន្លងទៅនេះសង្វៀន បញ្ជល់មាន់ បង្កប់ដោយ អាប៉ោងនិងយូគី របស់លោកឧត្តមសេនីយ៍ ឌួង ពេជ្យ ល្បីល្បាញកាន់តែខ្លាំង ដោយក្នុងការបញ្ជល់ មាន់មួយ គូៗមានដាក់ ដើមថាន់រាប់លាន រៀល ហើយល្បែងអាប៉ោង និងយូគីក៏ដំណើរការយ៉ាង រលូនដែរ។ មន្ត្រីអាជ្ញាធរឃុំ សមត្ថកិច្ចន គរបាលឃុំ ក៏ដូចជា អភិបាលស្រុកជាំក្សាន្ត និង អធិការនគរបាលស្រុក ជាំក្សាន្ត បានរក្សា ភាពស្ងៀម ស្ងាត់ ទុកឲ្យវង់ល្បែងរបស់លោកឧត្តមសេនីយ៍ ឌួង ពេជ្យ ដំណើរការយ៉ាងសុខស្រួល។
ហេតុនេះហើយទើបប្រជាពលរដ្ឋអំពាវនាវឲ្យលោក អ៊ុន ចាន់ដា អភិបាលខេត្តព្រះវិហារ និងសមត្ថកិច្ចខេត្តព្រះវិហារ ចាត់វិធានការបង្ក្រាបវង់ល្បែងរបស់លោកឧត្តមសេនីយ៍ ឌួង ពេជ្យ មេបញ្ជាការរងកងពលធំអន្តរាគមន៍លេខ៣ជាបន្ទាន់ ដើម្បីកុំឲ្យប្រជាពលរដ្ឋមានការភ័យខ្លាចតទៅទៀត។
ប្រជាពលរដ្ឋបានលើកឡើងថា ចាប់តាំងពីសង្វៀនបញ្ជល់មាន់របស់លោកឧត្តមសេនីយ៍ ឌួង ពេជ្យ ត្រូវបានបង្កើតឡើងរួចមកគឺអំពើចោរកម្មក្នុងស្រុកជាំក្សាន្ត ខេត្តឡើងយ៉ាងពេញបន្ទុកហើយពលរដ្ឋខ្លះចាញ់ល្បែងអស់លុយកាក់ទ្រព្យសម្បត្តិបែកបាក់គ្រួសារ ហើយអ្នកខ្លះនាំគ្នាឆ្លងដែនចូលកាប់ឈើគ្រញូងលើទឹកដីសៀមដើម្បីបានប្រាក់យកមកលេងល្បែងតទៅទៀតដោយមិនខ្លាចគ្រោះថ្នាក់អ្វីទាំងអស់។
ករណីមន្ត្រីយោធាម្នាក់បើកសង្វៀនបញ្ជល់មាន់បង្កប់ដោយអាប៉ោងនិងយូគីនៅភូមិរុងរឿង ឃុំជាំក្សាន្ត ស្រុកជាំក្សាន្ត ខេត្តព្រះវិហារ កំពុងធ្វើឲ្យប្រជាពលរដ្ឋក្នុងមូលដ្ឋាននេះព្រួយបារម្ភយ៉ាងខ្លាំងពីបញ្ហាអសន្តិសុខសង្គម។
ហេតុនេះហើយទើបប្រជាពលរដ្ឋអំពាវនាវឲ្យលោក អ៊ុន ចាន់ដា អភិបាលខេត្តព្រះវិហារ និងសមត្ថកិច្ចនគរបាលខេត្តព្រះវិហារ ចាត់វិធានការបង្ក្រាបល្បែងស៊ីសងខុសច្បាប់ជាបន្ទាន់ដើម្បីពង្រឹងសន្តិសុខសង្គមឲ្យស្របតាមគោលនយោបាយភូមិ-ឃុំ មានសុវត្ថិភាពទាំង៩ចំណុច។ ទន្ទឹមនឹងនេះថ្នាក់ដឹកនាំក្រសួងការពារជាតិ និងអគ្គមេបញ្ជាការនៃកងយោធពលខេមរភូមិន្ទ គួរចាត់វិធានការទប់ស្កាត់កុំឲ្យមន្ត្រីយោធាប្រើតួនាទីនិងអំណាចរបស់ខ្លួនបើកល្បែងស៊ីសងខុសច្បាប់ដូចករណីដែលកើតឡើងនៅស្រុកជាំក្សាន្ត តទៅទៀត។
ប្រភពពីប្រជាពលរដ្ឋរស់នៅភូមិរុងរឿង ឃុំជាំក្សាន្ត ស្រុកជាំក្សាន្ត ខេត្តព្រះវិហារ បានឲ្យដឹងថា ក្នុងមូលដ្ឋានពួកគាត់មានគេបើកល្បែងបញ្ជល់មាន់ អាប៉ោង និងយូគី យ៉ាងពេញបន្ទុកដោយគ្មានមន្ត្រីអាជ្ញាធរមូលដ្ឋានឬសមត្ថកិច្ចមូលដ្ឋានហ៊ានចាត់វិធានការបង្ក្រាបឡើយ។
ហេតុនេះហើយទើបប្រជាពលរដ្ឋអំពាវនាវឲ្យលោក អ៊ុន ចាន់ដា អភិបាលខេត្តព្រះវិហារ និងស្នងការនគរបាលខេត្តព្រះវិហារ ចាត់វិធានការទប់ស្កាត់ជាបន្ទាន់ដើម្បីឲ្យស្របទៅតាមគោលនយោបាយភូមិ-ឃុំ មានសុវត្ថិភាពទាំង៩ចំណុច។ បើមិនដូច្នេះទេល្បែងស៊ីសងក្នុងទឹកដីស្រុកជាំក្សាន្ត ខេត្តព្រះវិហារ ប្រាកដជារាលដាលកាន់តែខ្លាំងហើយអំពើចោរកម្មនិងបទល្មើសផ្សេងៗក៏កើតឡើងយ៉ាងពេញបន្ទុកដែរ។
តាមសេចក្ដីរាយការណ៍ពីនាយទាហាននិងពលទាហានក្នុងកងពលអន្តរាគមន៍លេខ៣ មួយចំនួនបានបង្ហើបឲ្យដឹងថា អ្នកបើកល្បែងបញ្ជល់មាន់ អាប៉ោង និងយូគីនោះ គឺឧត្តមសេនីយ៍ ឌួង ពេជ្យ ដែលជាមេបញ្ជាការរងកងពលអន្តរាគមន៍លេខ៣ ប្រចាំខ្សែបន្ទាត់ព្រំដែនសមរភូមិមុខទិសទី១ ខេត្តព្រះវិហារ។
ប្រភពបានឲ្យដឹងទៀតថា ក្រុមអ្នកញៀនល្បែងតែងប្រមូលផ្ដុំគ្នាជួបជុំនៅសង្វៀនបញ្ជល់មាន់យ៉ាងគគ្រឹកគគ្រេង ហើយសង្វៀនបញ្ជល់មាន់នោះមានទីតាំងនៅខាងក្រោយផ្ទះលោកឧត្តមសេនីយ៍ ឌួង ពេជ្យ តែម្តងដែលជាកន្លែងប្រកបដោយសុវត្ថិភាព១០០ភាគរយ។
ប្រជាពលរដ្ឋបានកត់សម្គាល់ថាកុំថាឡើយមន្ត្រីអាជ្ញាធរស្រុកជាំក្សាន្ត និងសមត្ថកិច្ចនគរបាលក្នុងស្រុកជាំក្សាន្ត ហ៊ានទៅបង្ក្រាបសង្វៀនបញ្ជល់មាន់របស់លោកឧត្តមសេនីយ៍ ឌួង ពេជ្យ គឺសូម្បីតែទៅក្បែរក៏មិនហ៊ានផង ៕
031 33 03 888