សេចក្តីរាយការណ៍ពីប្រជាពលរដ្ឋក្នុងសង្កាត់ព្រៃវែង ខណ្ឌដង្កោ បានឲ្យដឹងថា រៀងរាល់ថ្ងៃសៅរ៍និងថ្ងៃអាទិត្យ នៅទីតាំងចំណុចផ្ទះទល់មុខគុកព្រៃស សង្កាត់ព្រៃវែង មានបុគ្គលម្នាក់ឈ្មោះ ផេន បើកល្បែងអាប៉ោង ទ្រង់ទ្រាយធំដំណើរការយ៉ាងរលូន។ វង់អាប៉ោងរបស់ឈ្មោះ ផេន មានមនុស្សចូលរួមលេងយ៉ាងពពាក់ពពូនមិនខ្លាចឆ្លងជំងឺកូវីដ-១៩ ដែលកំពុងរាលដាលយ៉ាងពេញបន្ទុកនោះទេហើយពួកគេស្រែកហ៊ោយ៉ាងកងរំពង។ ហេតុនេះលោក ស ថេត ស្នងការនគរបាលរាជធានីភ្នំពេញ មិនគួរមើលរំលងតទៅទៀតទេព្រោះលោក ជឹម ស៊ីថា អធិការនគរបាលខណ្ឌដង្កោ សម្ងំស្ងាត់ឈឹង។
ប្រជាពលរដ្ឋនៅក្នុងសង្កាត់ព្រៃវែង ខណ្ឌដង្កោ បានអំពាវនាវឲ្យលោក ស ថេត ស្នងការនគរបាលរាជធានីភ្នំពេញ និងលោក ឃួង ស្រេង អភិបាលរាជធានីភ្នំពេញ ចាត់វិធានការបង្ក្រាបល្បែងស៊ីសងក្នុងមូលដ្ឋានពួកគាត់ជាបន្ទាន់។ ដោយហេតុថា លោកស្រី គឹម ញិប អភិបាលខណ្ឌដង្កោ និងលោក ជឹម ស៊ីថា អធិការនគរបាលខណ្ឌដង្កោ មិនចាត់វិធានការបង្ក្រាបល្បែងស៊ីសងខុសច្បាប់ដើម្បីពង្រឹងសន្តិសុខសង្គមនោះទេ។
ផ្ទុយទៅវិញលោកស្រី គឹម ញិប និងលោក ជឹម ស៊ីថា អធិការនគរបាលខណ្ឌដង្កោ បណ្តោយឲ្យល្បែងស៊ីសងកើតឡើងពេញបន្ទុកនៅក្នុងសង្កាត់ព្រៃវែង។
ប្រភពព័ត៌មានពីប្រជាពលរដ្ឋបានឲ្យដឹងទៀតថា បុគ្គលឈ្មោះ តាផេន បើកវង់អាប៉ោង នៅចំណុចផ្ទះទល់មុខគុកព្រៃស ច្រើនឆ្នាំមកហើយមិនដែលឃើញមានមន្ត្រីអាជ្ញាធរនិងសមត្ថកិច្ចមូលដ្ឋានចាត់វិធានការបង្ក្រាបនោះទេ។ ប្រភពខ្លះបានឲ្យដឹងថា តាផេន មានខ្នងបង្អែករឹងមាំទើបមន្ត្រីអាជ្ញាធរនិងសមត្ថកិច្ចមូលដ្ឋានមិនហ៊ានប៉ះពាល់ ហើយទុកឲ្យបុគ្គលម្នាក់នេះបើកល្បែងស៊ីសងខុសច្បាប់ស្រេចតែអំពើចិត្ត។
ប្រជាពលរដ្ឋបានកត់សម្គាល់ថា ដោយសារល្បែងស៊ីសងកើតឡើងយ៉ាងរាលដាលទើបបច្ចុប្បន្ននៅក្នុងសង្កាត់ព្រៃវែង ខណ្ឌដង្កោ កើតមានអំពើចោរកម្មនិងបទល្មើសផ្សេងៗគួរឲ្យភ័យខ្លាច ។បឋម
031 33 03 888