ប្រភពស្និទ្ធនឹងលោក កែវ នន មេឃុំពពក បានឲ្យដឹងថា បើគ្មានការបើកដៃពីសំណាក់អភិបាលស្រុកស្ទោង ទេនោះគឺលោក កែវ នន មិនអាចក្លាយជាមេខ្លោងនៅពីក្រោយសកម្មភាពទន្ទ្រានកាន់កាប់ដីព្រៃនៅក្នុឃុំពពក នោះឡើយ។
ប្រភពបានឲ្យដឹងទៀតថា លោក កែវ នន មេឃុំពពក មិនត្រឹមតែជាមេខ្លោងនៅពីក្រោយសកម្មភាពទន្ទ្រានកាន់កាប់ដីព្រៃយ៉ាងអនាធិបតេយ្យក្នុងឃុំពពក ប៉ុណ្ណោះទេគឺលោក កែវ នន មានត្រាក់ទ័រខ្លួនឯងសម្រាប់ឈូសឆាយរុញដីព្រៃផងដែរ។ ហេតុនេះលោក សុខ លូ អភិបាលខេត្តកំពង់ធំ មិនគួរបណ្តែតបណ្តោយឲ្យលោក កែវ នន មេឃុំពពក និងបក្ខពួកមួយចំនួនធ្វើអ្វីៗស្រេចតែអំពើចិត្តតទៅទៀតឡើយព្រោះសកម្មភាពទន្ទ្រានកាន់កាប់ដីព្រៃក្នុងឃុំពពក ជារឿងមិនអាចបិទបាំងបានទេ។
ប្រភពពីប្រជាពលរដ្ឋក្នុងឃុំពពក ស្រុកស្ទោង ខេត្តកំពង់ធំ បានឲ្យដឹងថា សកម្មភាពទន្ទ្រានកាន់កាប់ដីព្រៃរបស់រដ្ឋជាច្រើនកន្លែងក្នុងឃុំពពក គឺមានលោក កែវ នន មេឃុំពពក ជាមេខ្លោងដ៏ធំនៅក្នុងរឿងនេះទើបអ្វីៗអាចប្រព្រឹត្តទៅដោយរលូន។
ប្រជាពលរដ្ឋបានបញ្ជាក់ថា ដីព្រៃរបស់រដ្ឋច្រើនកន្លែងត្រូវបានលោក កែវ នន មេឃុំពពក ឃុបឃិតឲ្យអ្នកមានលុយអ្នកមានអំណាចឈូសឆាយទន្ទ្រានកាន់កាប់យ៉ាងពេញបន្ទុកដើម្បីជាថ្នូរនឹងផលប្រយោជន៍។ មិនតែប៉ុណ្ណោះសូម្បីតែដីព្រៃនៅជាប់មាត់អូរដែលជាតំបន់អភិរក្សក៏លោក កែវ នន មេឃុំពពក បើកដីឲ្យអ្នកមានលុយអ្នកមានអំណាចធ្វើសកម្មភាពទន្ទ្រានកាន់កាប់យ៉ាងរលូនផងដែរ ព្រោះអភិបាលស្រុកស្ទោង តែងរក្សាភាពស្ងៀមស្ងាត់។
ជុំវិញករណីអ្នកមានលុយអ្នកមានអំណាចទន្ទ្រានកាន់កាប់ដីព្រៃក្នុងឃុំពពក ស្រុកស្ទោង នោះដែរគឺមានជាប់ពាក់ព័ន្ធនឹងលោក ព្រឹម រដ្ឋា អភិបាលរងខេត្តកំពង់ធំ ដូចដែលបណ្តាញព័ត៌មាននានាបានចុះផ្សាយរួចមកហើយ។ ដូច្នេះហើយទើបមានសេចក្តីអំពាវនាវឲ្យលោក សុខ លូ អភិបាលខេត្តកំពង់ធំ និងថ្នាក់ដឹកនាំក្រសួងពាក់ព័ន្ធពិនិត្យឡើងវិញជាបន្ទាន់ទៅលើករណីទន្ទ្រានកាន់កាប់ដីព្រៃនៅក្នុងស្រុកស្ទោង ខេត្តកំពង់ធំ ដែលមានទំហំរាប់រយហិកតា។
ក្នុងនោះលោក កែវ នន មេឃុំពពក និងអភិបាលស្រុកស្ទោង មិនអាចគេចវេះពីការទទួលខុសត្រូវបានឡើយព្រោះប្រជាពលរដ្ឋនិងមជ្ឈដ្ឋានទូទៅបានដឹងយ៉ាងច្បាស់ថា លោក កែវ នន ជាមេខ្លោងធំដែលបណ្តោយឲ្យសកម្មភាពទន្ទ្រានកាន់កាប់ដីព្រៃកើតឡើងពេញបន្ទុក។មានត
031 33 03 888